ഇനിയൊരു യുദ്ധമുണ്ടെങ്കില്‍ അത് സൈബര്‍ ആക്രമണത്തിന്റെ പേരില്‍
വാഷിങ്ടണ്‍: അമേരിക്ക ഒരു വന്‍ശക്തി രാജ്യവുമായി യുദ്ധത്തിലേര്‍പ്പെടുകയാണെങ്കില്‍ അത് സൈബര്‍ ആക്രമണത്തെ ചൊല്ലിയായിരിക്കുമെന്ന് പ്രസിഡന്റ് ജോ ബൈഡന്‍.
രാജ്യം കടുത്ത സൈബര്‍ ആക്രമണം നേരിടുന്ന സാഹചര്യത്തില്‍ റഷ്യയും ചൈനയും ഉയര്‍ത്തുന്ന ഭീഷണികളെ ചൂണ്ടിക്കാട്ടി അദ്ദേഹം പറഞ്ഞു.
നെറ്റ്‌വര്‍ക് മാനേജ്‌മെന്റ് സോഫ്റ്റ്‌വെയര്‍ കമ്പനിയായ സോളാര്‍ വിന്‍ഡ്‌സ്, കൊളോണിയല്‍ പൈപ്‌ലൈന്‍ കമ്പനി, മാംസസംസ്‌കരണ കമ്പനിയായ ജെ.ബി.എസ്, സോഫ്റ്റ്‌വെയര്‍ കമ്പനി കാസേയ എന്നിവ സൈബര്‍ ആക്രമണത്തിനു വിധേയമായത് അമേരിക്കയെ ഞെട്ടിച്ചിരുന്നു.