മലപ്പുറം: മലപ്പുറം തിരൂരില്‍ കനോലി കനാലില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ മുങ്ങിമരിച്ചു. നിറമരുതൂര്‍ പാലപ്പറമ്പില്‍ ഷരീഫിന്റേയും ആമിനയുടേയും മകന്‍ മുഹമ്മദ് അഷ്മില്‍ (11), കെട്ടിയോട്ട് വളപ്പില്‍ സിദ്ധിക്കിന്റേയും സാബിറയുടേയും മകന്‍ അജ്‌നാസ് (12) എന്നിവരാണ് മരിച്ചത്.

നിറമരുതൂര്‍ കാളാട് ഭാഗത്തായിരുന്നു അപകടം. അയല്‍വാസികളും കൂട്ടുകാരുമായ ഇവര്‍ ഒന്നിച്ച് കുളിക്കാനിറങ്ങുകയായിരുന്നു. കനാലില്‍ കുളിക്കുന്നതിനിടെ മുങ്ങിത്താഴുകയായിരുന്നു. വിവരമറിഞ്ഞെത്തിയ നാട്ടുകാര്‍ ഇരുവരേയും മുങ്ങിയെടുത്തെങ്കിലും മരിച്ചിരുന്നു. പോസ്റ്റുമോര്‍ട്ടത്തിന് ശേഷം മൃതദേഹം നാളെ ഖബറടക്കും.