സ്‌കൂള്‍ നിലവാരം മെച്ചപ്പെടുത്താന്‍ സ്വിഫ്റ്റ്ചാറ്റ്

കോഴിക്കോട്• സര്‍ക്കാര്‍ സ്‌കൂളുകളിലെ വിദ്യാഭ്യാസനിലവാരം മെച്ചപ്പെടുത്തുന്നതിന് ആമസോണ്‍ വെബ് സര്‍വിസസുമായി ചേര്‍ന്ന് എഡ്‌ടെക് സോഷ്യല്‍ സംരംഭമായ കണ്‍വേജീനിയസ് നിര്‍മിതബുദ്ധി ചാറ്റ്‌ബോട്ടായ സ്വിഫ്റ്റ്ചാറ്റിന് രൂപംനല്‍കി.

സര്‍ക്കാര്‍ സ്‌കൂളുകള്‍ക്കൊപ്പം കുറഞ്ഞ ഫീസ് നിരക്കുള്ള സ്വകാര്യ സ്‌കൂളുകളെയും ഉദ്ദേശിച്ചാണ് സ്വിഫ്റ്റ്ചാറ്റ് നിര്‍മിച്ചത്. രാജ്യമാകെയുള്ള 10 കോടി വിദ്യാര്‍ഥികള്‍ക്കായി 13 പ്രാദേശിക ഭാഷകളില്‍ പാഠഭാഗങ്ങളില്‍ സഹായിക്കുന്നതിനാണ് 53 എ.ഐ ചാറ്റ്‌ബോട്ടുകള്‍ നിര്‍മിക്കുന്നത്.
വിഡിയോ, വായനാവസ്തുക്കള്‍ തുടങ്ങിയവ ഒംനിചാനല്‍ ചാറ്റ്‌ബോട്ടിലൂടെ സര്‍ക്കാര്‍ സ്‌കൂളുകള്‍ക്ക് നിര്‍മിക്കാം. വ്യക്തിഗത പഠനത്തെ കൂടാതെ അധ്യാപക പരിശീലനം, സ്‌കൂള്‍ അധികൃതര്‍ക്ക് ഡാറ്റ അധിഷ്ഠിത തീരുമാനം, സ്‌കൂളുകളുടെ ആവശ്യങ്ങള്‍ ക്രോഡീകരിക്കല്‍ തുടങ്ങിയവ ഉള്‍പ്പെടെ സ്വിഫ്റ്റ്ചാറ്റ് സാധ്യമാക്കുന്നു.