ഗൂഡല്ലൂര്‍: രാഷ്ട്രപതി പ്രണബ്കുമാര്‍ മുഖര്‍ജി സെപ്റ്റംബര്‍ ഒന്‍പതിന്  കുന്നൂരിലെത്തും. വെല്ലിങ്ടണ്‍ മദ്രാസ് റെജിമെന്റ് സെന്ററില്‍ നടക്കുന്ന വാര്‍ഷികാഘോഷ പരിപാടിയില്‍ സംബന്ധിക്കാനാണ് രാഷ്ട്രപതി എത്തുന്നത്.
ഡല്‍ഹിയില്‍നിന്ന് പ്രത്യേക വിമാനത്തില്‍ കോയമ്പത്തൂരിലെത്തുന്ന അദ്ദേഹം ഹെലികോപ്ടറില്‍ കുന്നൂര്‍ ജിംഖാന മൈതാനിയിലിറങ്ങും. പരിപാടികള്‍ക്കുശേഷം ഒന്‍പതിനു തന്നെ ഡല്‍ഹിയിലേക്കു മടങ്ങും. രാഷ്ട്രപതിയുടെ സന്ദര്‍ശനത്തിന്റെ ഭാഗമായി നീലഗിരിയില്‍ സുരക്ഷ ശക്തമാക്കിയിട്ടുണ്ട്.