സുഹൃത്തുക്കൾക്കൊപ്പം പുഴയില്‍ കുളിക്കാനിറങ്ങിയ വിദ്യാർഥി മുങ്ങിമരിച്ചു

കോഴിക്കോട്: പുഴയിൽ നീന്തുന്നതിനിടെ വിദ്യാർഥി മുങ്ങി മരിച്ചു. കക്കോടി പുവ്വത്തൂർ പാലന്നുകണ്ടിയിൽ സരസന്റെ മകൻ കാർത്തിക്കാണ് (14) മരിച്ചത്. പുവ്വത്തൂർ പൂനൂർ പുഴയിൽ ഇന്നലെ ഉച്ചക്ക് ഒന്നരയോടെ സുഹൃത്തുക്കൾക്കൊപ്പം കുളിക്കാനിറങ്ങിയപ്പോഴായിരുന്നു അപകടം. പറമ്പിൽ ഗവ. ഹയർ സെക്കൻഡറി സ്‌കൂൾ ഒമ്പതാം ക്ലാസ് വിദ്യാർഥിയാണ് കാർത്തിക്. വെള്ളിമാടുകുന്നിൽ നിന്നെത്തിയ അഗ്‌നിരക്ഷാ സേനയുടെ നേതൃത്വത്തിലാണ് മൃതദേഹം കണ്ടെത്തിയത്.