കൊല്ലം: ഫെയ്‌സ്ബുക്ക്   വഴി പരിചയപ്പെട്ട  പെണ്‍കുട്ടിയെ തേടിയെത്തിയ കോഴിക്കോട് സ്വദേശിയായ യുവാവ് പൊലിസ് പിടിയില്‍.
കിളികൊല്ലൂര്‍ ചാത്തിനാംകുളം എം.എസ്.എം.എച്ച്.എസ്.എസിലാണ് സംഭവം നടന്നത്. ചാത്തിനാംകുളം സ്‌കൂളില്‍ പഠിക്കുന്ന തന്റെ കാമുകിയെ തേടി രണ്ടു പെണ്‍ക്കുട്ടികളുമായി എത്തിയ യുവാവിനെയാണ് സ്‌കൂള്‍ അധികൃതര്‍ പിടികൂടി പൊലിസില്‍ ഏല്‍പ്പിച്ചത്. സ്‌കൂള്‍ പരിസരത്ത് കണ്ട മൂവര്‍ സംഘത്തെ കുറിച്ച്  വിദ്യാര്‍ഥികളാണ് സ്‌കൂള്‍ അധികൃതര്‍ക്ക് വിവരം നല്‍കിയത്. കൊല്ലത്ത് തന്നെയുള്ള സുഹൃത്തുക്കളായ പെണ്‍കുട്ടികളെയും കൂട്ടിയാണ് യുവാവ് കാമുകിയെ തിരക്കിയെത്തിയത്. എന്നാല്‍ യുവാവ്  അന്വേഷിക്കുന്ന പേരിലുള്ള പെണ്‍കുട്ടി  സ്‌കൂളില്‍ പഠിക്കുന്നില്ലെന്നാണ് അധികൃതര്‍ പറയുന്നത്.