പൂച്ചാക്കല്‍: ദേശീയ അന്ധതാ നിയന്ത്രണ പരിപാടിയുടെ ഭാഗമായ 31-ാമത് നേത്രദാന പക്ഷാചരണത്തിന്റെ ജില്ലാതല ഉദ്ഘാടനം തൈക്കാട്ടുശേരി പുന്നക്കീഴില്‍ ഭഗവതി ദേവസ്വം ഓഡിറ്റോറിയത്തില്‍ നടന്നു.   സെപ്തംബര്‍ എട്ട് വരെയാണ് നേത്രദാന പക്ഷാചരണം. എ.എം.ആരിഫ് എം.എല്‍.എ. ഉദ്ഘാടനം ചെയ്തു.
തൈക്കാട്ടുശേരി ബ്ലോക്ക് പഞ്ചായത്ത് പ്രസിഡന്റ് നിര്‍മ്മലാശെല്‍വരാജ് അധ്യക്ഷതവഹിച്ചു.
നേത്രദാനം നടത്തിയവരുടെ കുടുംബങ്ങളെ ജില്ലാ പഞ്ചായത്തംഗം പി.എം പ്രമോദ് ആദരിച്ചു. ജില്ലാ മെഡിക്കല്‍ ഓഫീസര്‍ ഡോ: ഡി. വസന്താ ദാസ് മുഖ്യ പ്രഭാഷണം നടത്തി. ജില്ലാ ഒഫ്താല്‍മിക് സര്‍ജന്‍ ഡോ: വി.എസ്. സുനില്‍  നേത്രദാന സന്ദേശം നടത്തി.
തൈക്കാട്ടുശേരി ഗ്രാമപഞ്ചായത്ത് പ്രസിഡന്റ് ശാന്തമ്മാ പ്രകാശ് സന്ദേശറാലി ഫ്‌ളാഗ് ഓഫ് ചെയ്തു. തൈക്കാട്ടുശേരി എസ്.എം. എസ്.ജെ. ഹൈസ്‌കൂളിലെ വിദ്യാര്‍ഥികളുടെയും അധ്യാപകരുടെയും നേത്രദാന സമ്മതപത്രം പ്രഥമാധ്യാപകന്‍ ജോയി എം.എല്‍.എക്ക് കൈമാറി. പൂച്ചാക്കല്‍ ഷാഹുല്‍ മുഖ്യാതിഥിയായിരുന്നു. ഡോ: വി.പി.അരുണ്‍, മേഘ, വിജയകുമാരി, പുഷ്‌കരന്‍, ഡോ കെ.എ.ജോര്‍ജ്, തുടങ്ങിയവര്‍ സംസാരിച്ചു.