കൊച്ചി: കൊച്ചിയിലെ ബാറില്‍ വെടിവെയ്പ്. കൂണ്ടന്നൂര്‍ ഒജിഎസ് കാന്താരി ബാറിന് പുറത്താണ് വെടിവെയ്പ്പുണ്ടായത്. മദ്യപിച്ച് പുറത്തിറങ്ങിയവര്‍ ഭിത്തിയിലേക്ക് വെടിവെക്കുകയായിരുന്നു എന്നാണ് റിപ്പോര്‍ട്ട്. ആര്‍ക്കും പരുക്ക് റിപ്പോര്‍ട്ട് ചെയ്തിട്ടില്ല. ബാറുടമകള്‍ വൈകീട്ട് ഏഴിനാണ് പരാതി നല്‍കിയത്.

ഉച്ചയ്ക്ക് ശേഷം മൂന്നരയ്ക്ക് ക്യാഷ് കൗണ്ടറില്‍ പണം നല്‍കിയ ശേഷമായിരുന്നു സംഭവം. മദ്യപസംഘം തമ്മില്‍ തര്‍ക്കമുണ്ടാവുകയും തുടര്‍ന്ന് അതിലൊരാള്‍ വെടിയുതിര്‍ക്കുകയുമായിരുന്നു.

വെടിവെച്ചവരെ തിരിച്ചറിഞ്ഞിട്ടില്ല. പ്രാഥമിക പരിശോധനയില്‍ വെടിയുണ്ട കണ്ടെത്താനായില്ല. ഫോറന്‍സിക് സംഘം നാളെ പരിശോധന നടത്തും. സംഭവത്തെ തുടര്‍ന്ന് ബാര്‍ താത്കാലികമായി അടച്ചിടാന്‍ അധികൃതരോട് നിര്‍ദേശിച്ചു