റിയാദ്: പാകിസ്താനിലെ സിന്ധ് പ്രവിശ്യയില്‍ വെള്ളപ്പൊക്കത്തില്‍ വീട് നഷ്ടപ്പെട്ടവര്‍ക്ക് താമസിക്കുന്നതിന് സഊദി 520 ഷെല്‍ട്ടര്‍ കിറ്റുകള്‍ കൂടി നല്‍കി. കിങ് സല്‍മാന്‍ ഹ്യൂമാനിറ്റേറിയന്‍ എയ്ഡ് ആന്റ് റിലീഫ് സെന്റര്‍ ആണ് സഹായം നല്‍കിയത്. ഇതുവരെ 3,640 പേര്‍ക്കുള്ള താല്‍ക്കാലിക അഭയകേന്ദ്രങ്ങള്‍ റിലീഫ് സെന്റര്‍ നല്‍കുകയുണ്ടായി.

നേരത്തേ വെള്ളപ്പൊക്ക കെടുതികള്‍ നേരിടുന്നതിന് കോടിക്കണക്കിന് റിയാലിന്റെ സഹായം സഊദി ഭരണകൂടം നല്‍കിയിരുന്നു. പതിറ്റാണ്ടുകള്‍ക്കിടെ പാകിസ്താനിലുണ്ടായ ഏറ്റവും രൂക്ഷമായ വെള്ളപ്പൊക്കത്തില്‍ 1,600 പേര്‍ മരിക്കുകയും ദശലക്ഷക്കണക്കിന് പേര്‍ക്ക് കിടപ്പാടം നഷ്ടമാവുകയും ചെയ്തിരുന്നു.