കൊച്ചി: വിദ്യാധനം സ്‌കോളര്‍ഷിപ്പ് പദ്ധതി 31ന് രാവിലെ 11.45ന് സെന്റ് തെരേസാസ് കോളജ് ഓഡിറ്റോറിയത്തില്‍ നടക്കുന്ന ചടങ്ങില്‍ ഉപരാഷ്ട്രപതി ഡോ. ഹാമിദ് അന്‍സാരി ഉദ്ഘാടനം ചെയ്യും.
വിദ്യാധനം ട്രസ്റ്റാണ് പദ്ധതി നടപ്പാക്കുന്നത്. എറണാകുളം മണ്ഡലത്തിലെ ഗവണ്‍മെന്റ്, എയ്ഡഡ് സ്‌കൂളുകളില്‍ നിന്ന് എസ്.എസ്.എല്‍.സി, പ്ലസ് ടു പരീക്ഷകളില്‍ എല്ലാ വിഷയത്തിലും എ പ്ലസ് ലഭിച്ച വിദ്യാര്‍ഥികള്‍ക്കാണ് സ്‌കോളര്‍ഷിപ്പ് നല്‍കുക. പദ്ധതിയുടെ ഭാഗമായി വിദ്യാര്‍ഥികളുടെ പേരില്‍ സ്റ്റേറ്റ് ബാങ്ക് ഓഫ് ഇന്ത്യയില്‍ 2,500 രൂപ വീതം നിക്ഷേപിച്ച് പാസ് ബുക്കും സര്‍ട്ടിഫിക്കറ്റും നല്‍കുമെന്ന് കെ.വി തോമസ് എം.പി വാര്‍ത്താസമ്മേളനത്തില്‍ അറിയിച്ചു.