ദോഹ: ഖത്തർ വേദിയാകുന്ന ജനീവ അന്താരാഷ്ട്ര മോട്ടോർ ഷോയുടെ ഭാഗമായി ബുധനാഴ്ച മുതൽ ലു സൈൽ ബൊളെവാഡിൽ ഗതാഗത നിയന്ത്രണം. ബുധനാഴ്ച മുതൽ 14-ാം തീയതിവരെ ബൊളെവാഡിൽ വാഹനങ്ങൾക്ക് പ്രവേശനമുണ്ടായിരിക്കില്ലെന്ന് ലുസൈൽ സിറ്റി ഔദ്യോഗിക ഇൻസ്റ്റഗ്രാം പേജ് വഴി അറിയിപ്പ് നൽകിയിട്ടുണ്ട്.ജിംസ് ഖത്തറിന്റെ ഭാഗമായി ശ്രദ്ധേയമായ ‘പരേഡ് ഓഫ് എക്സലൻസ് വേദിയാണ് ലുസൈൽ ബൊളെ വാഡ് നടക്കുന്നത്. ഒക്ടോബർ 12 മുതൽ നീണ്ടുനിൽക്കുന്ന 100ഓളം അപൂർവ മോഡൽ കാറുകളുടെ പരേഡിനാണ് ലുസൈൽ സാക്ഷ്യം വഹിക്കുന്നത്. രാത്രി ഏഴു മുതൽ ഒമ്പത് വരെയാണ് പരേഡ് ഷെഡ്യൂൾ ചെയ്തത്.

Content Highlights: traffic control at lucille boulevard