ഫലസ്തീന് ജനതക്ക് ഐക്യദാർഢ്യം: എല്ലാ ആ​ഘോ​ഷ പ​രി​പാ​ടി​ക​ളും നിർത്തിവെച്ച് കുവൈത്ത്

കു​വൈ​ത്ത് സി​റ്റി: യുദ്ധം രൂക്ഷമായി തുടരുന്നതിനിടെ ഫലസ്തീന് ഐ​ക്യ​ദാ​ർ​ഢ്യ​വു​മാ​യി രാജ്യത്തെ എല്ലാ ആ​ഘോ​ഷ പ​രി​പാ​ടി​ക​ളും നിർത്തിവെക്കാൻ ഉത്തരവിട്ട് കു​വൈ​ത്ത്. ഫ​ല​സ്തീ​ൻ ജ​ന​ത​ക്കും ര​ക്ത​സാ​ക്ഷി​ക​ൾ​ക്കുമുള്ള ഐ​ക്യ​ദാ​ർ​ഢ്യമായാണ് തീരുമാനം. വ്യാ​ഴാ​ഴ്ച അ​ടി​യ​ന്ത​ര​മാ​യി കൂ​ടി​യ മ​ന്ത്രി​മാ​രു​ടെ കൗ​ൺ​സി​ലിലാണ് തീരുമാനം.

ഫ​ല​സ്തീ​ന് പി​ന്തു​ണ ന​ൽ​കു​ന്ന കു​വൈ​ത്തി​ന്റെ സ്ഥി​രം നി​ല​പാ​ടി​ന് അ​നു​സ​രി​ച്ചാ​ണ് തീ​രു​മാ​ന​മെ​ന്ന് സ​ർ​ക്കാ​ർ ക​മ്യൂ​ണി​ക്കേ​ഷ​ൻ സെ​ന്റ​ർ അ​റി​യി​ച്ചു. ഇതിന്റെ ഭാഗമായി കുവൈത്തിൽ നടത്തിവന്നിരുന്നതും അടുത്ത ദിവസങ്ങളിൽ നടത്താനിരുന്നതുമായ മുഴുവൻ പരിപാടികളും റദ്ദാക്കി.

തീരുമാനത്തിന് പിന്നാലെ ഇ​ന്ത്യ​ൻ അ​സോ​സി​യേ​ഷ​നു​ക​ൾ നടത്താനിരുന്ന എ​ല്ലാ ആ​ഘോ​ഷ പ​രി​പാ​ടി​ക​ളും മാ​റ്റി​വെ​ക്ക​ണ​മെ​ന്ന് ഇ​ന്ത്യ​ൻ എം​ബ​സി അ​ഭ്യ​ർ​ഥി​ച്ചു. കുവൈത്തിലുള്ള ഇന്ത്യൻ പൗരന്മാർ നടത്താനിരുന്ന സം​ഗീ​തം, നൃ​ത്തം തു​ട​ങ്ങി​യആ​ഘോ​ഷ​ങ്ങ​ളോ പ​രി​പാ​ടി​ക​ളോ കൂ​ടു​ത​ൽ നി​ർ​ദേ​ശ​ങ്ങ​ൾ ഉ​ണ്ടാ​കു​ന്ന​തു​വ​രെ ന​ട​ത്തേ​ണ്ട​തി​ല്ലെ​ന്ന് മ​ന്ത്രാ​ല​യം അ​റി​യി​ച്ചു.

അതേസമയം, ഇസ്‌റാഈൽ അധിനിവേശത്തിനെതിരെ ചെറുത്ത് നിൽപ്പ് നടത്തുന്ന ഫലസ്തീൻ ജനതക്കൊപ്പമാണ് കുവൈത്ത് എന്ന് മ​ന്ത്രി​സ​ഭ നേ​ര​ത്തെ വ്യ​ക്ത​മാ​ക്കി​യി​രു​ന്നു. കു​വൈ​ത്ത് പാ​ര്‍ല​മെ​ന്റ് അം​ഗ​ങ്ങ​ളും ഫ​ല​സ്തീ​ൻ ജ​ന​ത​ക്ക് നേ​ര​ത്തെ പൂ​ർ​ണ പി​ന്തു​ണ പ്ര​ഖ്യാ​പി​ച്ചി​ട്ടു​ണ്ട്.