ഒളിംപിക്‌സില്‍ ഇനി ക്രിക്കറ്റും; ഔദ്യോഗിക അനുമതിയായി

മുംബൈ: ഒളിംപിക്‌സില്‍ ഇനി ക്രിക്കറ്റും മത്സരഇനമായി ഉള്‍പ്പെടുത്താന്‍ ഔദ്യോഗിക അനുമതി. 2028ലെ ലോസ് ആഞ്ചലസ് ഒളിംപിക്‌സിലാണ് പുരുഷവനിതാ ട്വന്റി20 ക്രിക്കറ്റ് ഉണ്ടാവുക. മുംബൈയില്‍ നടന്ന രാജ്യാന്തര ഒളിംപിക് കമ്മിറ്റിയാണ് അന്തിമ അനുമതി നല്‍കിയത്. ഐഒസി നിര്‍വാഹക സമിതി യോഗം വോട്ടെടുപ്പിലൂടെയാണ് തീരുമാനമെടുത്തത്.

128 വര്‍ഷങ്ങള്‍ക്ക് ശേഷമാണ് ഒളിംപിക്‌സില്‍ ക്രിക്കറ്റ് തിരിച്ചുവരുന്നത്. ഒളിമ്പിക്‌സ് ചരിത്രത്തില്‍ 1900ത്തിലെ പാരീസ് ഗെയിംസില്‍ മാത്രമാണ് ക്രിക്കറ്റ് ഉള്‍പ്പെട്ടത്.