മട്ടാഞ്ചേരി: മത്സ്യ ബന്ധനം കഴിഞ്ഞെത്തിയ ബോട്ടില്‍ നിന്നു വീണ് തൊഴിലാളിയെ കാണാതായി.തിരുവനന്തപുരം പുല്ലുവിള കരിങ്കുളം പഞ്ചായത്തില്‍ ചാരത്തടി പുരയിടത്തില്‍ ജോസഫിന്റെ മകന്‍ ജോണി (39) ആണ് കായലില്‍ വീണത്.ഇന്നലെ വൈകിട്ട് 3.30ന് തോപ്പുംപടി ഫിഷറിസ് ഹാര്‍ബറിലായിരിന്നു സംഭവം.
തിരുവനന്തപുരം സ്വദേശിയുടെ ഉടമസ്ഥതയിലുള്ള സെന്റ് ആന്റ്ണി എന്ന ബോട്ടിലെ ജീവനക്കാരനാണ്. ഭക്ഷണം കഴിച്ചതിന് ശേഷം കൈ കഴുകുന്നതിനിടെ കാല്‍ തടഞ്ഞ് അബദ്ധത്തില്‍ അടുത്ത ബോട്ടിലേക്ക് തലയടിച്ച് വിഴുകയായിരിന്നുവെന്ന് തൊഴിലാളികള്‍ പറഞ്ഞു. കോസ്റ്റല്‍ പൊലിസിന്റെ നേതൃത്വത്തില്‍ തിരച്ചില്‍ നടത്തിയെങ്കിലും കണ്ടെത്താനായില്ല. ഭാര്യ: വിമല