ദുബൈ: വിവിധ സംസ്‌കാരങ്ങളെ നെഞ്ചോടുചേര്‍ത്ത പാരമ്പര്യമാണ് ഇന്ത്യയുടേതെന്നും ആ സംസ്‌കൃതിയെ ഏകാശയത്തിലേക്ക് നയിക്കുന്നത് ശരിയല്ലെന്നും മുസ്ലിം ലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങള്‍. ദുബൈ,മലപ്പുറം ജില്ലാ കെ.എം.സി.സി പ്രസിദ്ധീകരിച്ച 'ഡ്രിസ്സില്‍' സുവനീറിന്റെ പ്രകാശനം നിര്‍വഹിക്കുകയായിരുന്നു അദ്ദേഹം. സൂഫിവര്യന്മാരും പണ്ഡിതന്മാരും എഴുത്തുകാരും സ്വാതന്ത്ര്യ സമര സേനാനികളും നന്മയുടെ സ്വരമാധുര്യം തീര്‍ത്ത മണ്ണാണ് മലപ്പുറമെന്നും അദ്ദേഹം പറഞ്ഞു.മുസ്ലിം ലീഗ് ദേശീയ ഉപാധ്യക്ഷന്‍ ഡോ. എം.പി. അബ്ദുസ്സമദ് സമദാനി എം.പിയും പരിപാടിയില്‍ പങ്കെടുത്തു. കെ.എം.സി.സി മലപ്പുറം ജില്ല പ്രസിഡന്റ് ചെമ്മുക്കന്‍ യാഹുമോന്‍ അധ്യക്ഷത വഹിച്ചു. മുസ്ലിം ലീഗ് സംസ്ഥാന ജന. സെക്രട്ടറി അഡ്വ. പി.എം.എ. സലാം, സംസ്ഥാന വൈസ് പ്രസിഡന്റ് ഡോ. സി.പി. ബാവ ഹാജി, യു.എ.ഇ കെ.എം.സി.സി ജന.സെക്രട്ടറിയും 'ഡ്രിസ്സില്‍' ചീഫ് എഡിറ്ററുമായ പി.കെ. അന്‍വര്‍ നഹ, മാഗസിന്‍ എഡിറ്റര്‍ എ.പി. മുഹമ്മദ് നൗഫല്‍, യു.എ.ഇ കെ.എം.സി.സി പ്രസിഡന്റ് ഡോ. പുത്തൂര്‍ റഹ്‌മാന്‍, ദുബൈ കെ.എം.സി.സി ആക്ടിങ് പ്രസിഡന്റ് ഇബ്രാഹിം മുറിച്ചാണ്ടി എന്നിവരും സംസാരിച്ചു.