രാജാക്കാട്: ഭരത്തിന്റെ സ്വാതന്ത്ര്യത്തിന് വേണ്ടി പോരാടിയവരുടെയും സാമൂഹ്യ പരിഷ്‌കര്‍ത്താക്കളുടേയും സ്മരണകള്‍ നിലനിര്‍ത്തി എന്‍ ആര്‍ സിറ്റി എസ് എന്‍ വിഹയര്‍സെക്കണ്ടറി സ്‌കൂളില്‍ സ്മരണിക 2016 ചിത്ര പ്രദര്‍ശനം സംഘടിപ്പിച്ചു. മഹത് വ്യക്തികളുടെ മുന്നൂറോളം ചിത്രങ്ങളാണ് പ്രദര്‍ശിപ്പിച്ചത്.
സ്‌കൂളിലെ പ്രധാന വേദിയില്‍ നടന്ന പ്രദര്‍ശന ഉദ്ഘാടന പരിപാടിയില്‍ സ്‌കൂള്‍ മാനേജര്‍ രാധാകൃഷ്ണന്‍ തമ്പി അധ്യക്ഷത വഹിച്ചു.
വാര്‍ഡ് മെമ്പര്‍ ബിജി സന്തോഷ് ഉദ്ഘാടനം നിര്‍വ്വഹിച്ചു. ആശംസകള്‍ അര്‍പ്പിച്ച് എസ് എന്‍ ഡി പി ശാഖാ സെക്രട്ടറി അനൂപ് തണ്ടേല്‍, പി റ്റി എ പ്രസിഡന്റ് അജി മുട്ടുകാട്, പ്രിന്‍സിപ്പല്‍ ഡി ബിന്ദുമോള്‍, പ്രധാന അധ്യാപിക എം ഉഷാകുമാരി, അധ്യാപകരായ പി യു ജിജിമോന്‍, സുജിത് കുമാര്‍, ആര്‍ രാജേഷ്, എന്നിവര്‍ സംസാരിച്ചു.