ദുബൈ: ഏറ്റെടുത്ത കാര്യങ്ങളെല്ലാം സമൂഹനന്മക്കുവേണ്ടി ഉപയോഗപ്പെടുത്തുകയും ലക്ഷ്യസാക്ഷാത്കാരത്തിനുവേണ്ടി സക്രിയമായി ഇടപെടുകയും ചെയ്ത പണ്ഡിതനായിരുന്നു കോട്ടുമല ബാപ്പു മുസ്‌ലിയാരെന്ന് കടമേരി റഹ്‌മാനിയ്യ ദുബൈ ചാപ്റ്റര്‍ സംഘടിപ്പിച്ച കടമേരി റഹ്‌മാനിയ്യ ഗോള്‍ഡന്‍ ജൂബിലി പ്രചാരണ, കോട്ടുമല ബാപ്പു മുസ്‌ലിയാര്‍ അനുസ്മരണസംഗമം അഭിപ്രായപ്പെട്ടു.ദുബൈ സുന്നി സെന്റര്‍ വൈസ് പ്രസിഡന്റ് ജലീല്‍ ദാരിമി വടക്കേക്കാട് ഉദ്ഘാടനം ചെയ്തു. റഹ്‌മാനിയ്യ യു.എ.ഇ ചാപ്റ്റര്‍ പ്രസിഡന്റ് ഇബ്രാഹീം മുറിച്ചാണ്ടി അധ്യക്ഷത വഹിച്ചു. കടമേരി റഹ്‌മാനിയ്യ സി.ഇ.ഒ ഫരീദ് റഹ്‌മാനി കാളികാവ്, റഹ്‌മാനീസ് സെന്‍ട്രല്‍ കമ്മിറ്റി പ്രസിഡന്റ് ഷാജഹാന്‍ റഹ്‌മാനി കംബ്ലക്കാട് വിഷയാവതരണം നടത്തി. സൂപ്പി ഹാജി കടവത്തൂര്‍, ചെക്കന്‍ ഹാജി എന്നിവര്‍ ഉപഹാര സമര്‍പ്പണം നടത്തി. സുന്നി സെന്റര്‍ ജനറല്‍ സെക്രട്ടറി ഷൗക്കത്തലി ഹുദവി, അഡ്വ. സാജിദ് അബൂബക്കര്‍, കെ.പി. മുഹമ്മദ്, ഖാദര്‍ ഫൈസി കടമേരി, ഇബ്രാഹീം ഫൈസി ചപ്പാരപ്പടവ്, ഹുസൈന്‍ ദാരിമി, വലിയാണ്ടി അബ്ദുല്ല, കുറ്റിക്കണ്ടി അബൂബക്കര്‍, ടി.വി.പി. മുഹമ്മദലി, അഹ്‌മദ് കടോളി, തെക്കയില്‍ മുഹമ്മദ്, മൊയ്തു അരൂര്‍, വാജിദ് റഹ്‌മാനി, അബ്ദുല്ല റഹ്‌മാനി വയനാട്, നാസര്‍ റഹ്‌മാനി പാവണ്ണ, നാസര്‍ റഹ്‌മാനി തിരുവള്ളൂര്‍, റഫീഖ് റഹ്‌മാനി, ഷഫീഖ് റഹ്‌മാനി പടിക്കല്‍, കെ.ടി. റഷീദ് റഹ്‌മാനി, എം.എ. സലാം റഹ്‌മാനി കൂട്ടാലുങ്ങല്‍, ഷക്കീല്‍ ചൂരി തുടങ്ങിയവര്‍ പങ്കെടുത്തു. ദുബൈ കമ്മിറ്റി ജനറല്‍ സെക്രട്ടറി പി.കെ. അബ്ദുല്‍ കരീം സ്വാഗതവും ബഷീര്‍ റഹ്‌മാനി കുറ്റിപ്പുറം നന്ദിയും പറഞ്ഞു. അബൂദബി, അജ്മാന്‍, ഫുജൈറ എന്നിവിടങ്ങളിലും കോട്ടുമല ബാപ്പു മുസ്‌ലിയാര്‍ അനുസ്മരണവും കടമേരി റഹ്‌മാനിയ്യ ഗോള്‍ഡന്‍ ജൂബിലി പ്രചാരണ സംഗമങ്ങളും നടന്നു.