വണ്ടൂര്‍: മികച്ച ജൈവപച്ചക്കറികള്‍ കൃഷി ചെയ്യുന്ന പഞ്ചായത്തുകളെ കണ്ടെത്താന്‍ ജില്ലാ കൃഷിവകുപ്പ് ഉന്നതസംഘം വണ്ടൂരില്‍ എത്തി. ജില്ലാ കൃഷി ഡെപ്യൂട്ടി ഡയര്‍ക്ടര്‍മാരായ യു സദാനന്ദന്‍, എം സത്യദേവന്‍ എന്നിരാണ് സന്ദര്‍ശിച്ചത്. മികച്ച ജൈവപച്ചക്കറികള്‍ കൃഷി ചെയ്യുന്ന പഞ്ചായത്തുകള്‍ക്ക് കൃഷി വകുപ്പ് അവാര്‍ഡുകള്‍ നല്‍കുന്നുണ്ട്.
ഇതിലേക്കുള്ള പഞ്ചായത്തുകളെ കണ്ടെത്താനാണ് സംഘം എത്തിയത്. കുടുംബശ്രിയുടെ നേതൃത്വത്തിലുള്ള പച്ചക്കറി കൃഷികള്‍, വിവിധ കര്‍ഷകരുടെ കൃഷിയിടങ്ങള്‍ എന്നിവ സംഘം സന്ദര്‍ശിച്ചു. കൃഷി ഓഫിസര്‍ കെ സുബൈര്‍ബാബു, പഞ്ചായത്ത് പ്രസിഡന്റ് രോഷ്‌നി കെ ബാബു, വൈസ് പ്രസിഡന്റ് എം.കെ നാസര്‍, ശങ്കരന്‍ കുട്ടി സംമ്പന്ധിച്ചു.