കണ്ണൂര്‍: മറുനാടന്‍ തൊഴിലാളികളെ ശോച്യാവസ്ഥവസ്ഥയില്‍ പാര്‍പ്പിച്ചു പീഡിപ്പിക്കുന്ന ഇടനിലയ്ക്കാര്‍ക്കെതിരെ കര്‍ശനനടപടിയെടുക്കുമെന്ന് മന്ത്രി കെ.കെ ശൈലജപറഞ്ഞു.
കണ്ണൂര്‍, തലശേരി, വളപട്ടണം ഭാഗങ്ങളില്‍  പഴയവീടുകളിലും കടമുറികളിലും രണ്ടായിരത്തോളം തൊഴിലാളികളെയാണ് കുത്തിനിറച്ച് താമസിപ്പിച്ചിരിക്കുന്നത്.
ഇക്കാര്യം മാധ്യമങ്ങളില്‍ വാര്‍ത്തയായതിനെ തുടര്‍ന്നാണ് മന്ത്രിയുടെ പ്രതികരണം. വിഷയം അന്വേഷിക്കുന്നതിനായി ആരോഗ്യവകുപ്പ് ഉദ്യോഗസ്ഥര്‍ ഉടന്‍ സ്ഥലം സന്ദര്‍ശിക്കും.
ഒരാളില്‍ നിന്നും രണ്ടായിരം രൂപയോളം വാങ്ങി പ്രാഥമിക സൗകര്യങ്ങള്‍പോലുമില്ലാത്ത സ്ഥലങ്ങളിലാണ് മറുനാടന്‍ തൊഴിലാളികളെ പാര്‍പ്പിച്ചിരിക്കുന്നത്.