കണ്ണൂര്‍: കണ്ണൂര്‍ സര്‍വകലാശാലയിലെ നാഷണല്‍ സര്‍വിസ് സ്‌കീം മികച്ച പ്രവര്‍ത്തനങ്ങള്‍ക്കുള്ള അവാര്‍ഡുകള്‍ ഡോ. എം.കെ അബ്ദുല്‍ഖാദര്‍ വിതരണം ചെയ്തു. പ്രോ വൈസ് ചാന്‍സലര്‍ ഡോ. ടി അശോകന്‍ അധ്യക്ഷനായി.
മികച്ച എന്‍.എസ്.എസ് യൂനിറ്റിനുള്ള അവാര്‍ഡ് കൃഷ്ണമേനോന്‍ കോളജും എം.ജി കോളജ് ഇരിട്ടിയും പങ്കിട്ടു. പ്രിന്‍സിപ്പല്‍മാരായ ഡോ. പി ഓമനയും ഡോ. എം.ജെ മാത്യുവും അവാര്‍ഡ് ഏറ്റുവാങ്ങി.
മികച്ച പ്രോഗ്രാം ഓഫിസര്‍മാരായി ഡോ. ജോബി വര്‍ഗീസ്, ഡോ. ഷിജോ എം ജോസഫ് എന്നിവരും മികച്ച വളണ്ടിയര്‍മാരായി: മുഹമ്മദ് അസറുദ്ധീന്‍, എ ജിതിന്‍ദാസ്, സ്‌നേഹ മുരളീധരന്‍, ഹിബ ഷറഫുദ്ദീന്‍ എന്നിവരും അവാര്‍ഡ് ഏറ്റുവാങ്ങി. കെ.പി മുഹമ്മദ്, ഡോ. പി ഓമന, എം.സി രാജു, കെ ബാലചന്ദ്രന്‍ സംസാരിച്ചു.