വാഷിങ്ടണ്‍: ഗാസയില്‍ ഇസ്‌റാഈല്‍ നടത്തുന്ന അതിക്രമങ്ങള്‍ തടയുന്നതില്‍ യുഎന്‍ പരാജയപ്പെട്ടെന്ന് ആരോപിച്ച് ഉന്നത ഉദ്യോഗസ്ഥന്‍ രാജിവെച്ചു. യു.എന്‍ മനുഷ്യാവകാശ ഓഫീസ് ഡയറക്ടറായ ക്രെയ്ഗ് മോക്ഹിബാറാണ്, യു.എന്‍ യുഎസിനും ഇസ്‌റാഈല്‍ ലോബിക്കും സ്വയം അടിയറവ് വെക്കുകയും സ്വന്തം ജോലി ചെയ്യാതിരിക്കുകയും ചെയ്തു എന്നാരോപിച്ച് രാജിവെച്ചത്.'നമ്മള്‍ ഒരിക്കല്‍ കൂടി വംശഹത്യ നേരിട്ട് കണ്ടുകൊണ്ടിരിക്കുകയാണ്. എന്നാല്‍ നമ്മള്‍ ജോലി ചെയ്യുന്ന സ്ഥാപനം അത് തടയുന്നതിന് ശ്രമിക്കാതെ നിഷ്‌ക്രിയരായിരിക്കുകയാണ്, യു.എന്‍ ഹൈക്കമ്മീഷണര്‍ക്ക് എഴുതിയ കത്തില്‍ അദേഹം ചൂണ്ടിക്കാട്ടി.

കൂടാതെ യൂറോപ്പിലെ ഭൂരിഭാഗം ഭരണകൂടങ്ങളും ഇസ്‌റാഈല്‍ അതിക്രമത്തില്‍ പങ്കാളികളാണെന്നും അവര്‍ ആയുധങ്ങള്‍, സാമ്പത്തിക സഹായം,രഹസ്യാന്വേഷണ പിന്തുണ എന്നിവ ഇസ്‌റാഈലിന് നല്‍കുകയാണെന്നും അദേഹം കൂട്ടിച്ചേര്‍ത്തു.അതേസമയം ജബലിയ അഭയാര്‍ത്ഥി ക്യാമ്പിലേക്ക് വീണ്ടും ഇസ്‌റാഈലിന്റെ ഭാഗത്ത് നിന്നും നരനായാട്ട് നടന്നു. തീവ്രതയേറിയ ആറ് മിസൈലുകളാണ് ക്യാമ്പിന് നേരെ ഇസ്‌റാഈല്‍ രണ്ടാമതും പ്രയോഗിച്ചത്. ഇതുവരെ ഗാസയില്‍ ഇസ്‌റാഈല്‍ നടത്തിയ അതിക്രമങ്ങളില്‍ കൊല്ലപ്പെട്ടവരുടെ എണ്ണം എണ്ണായിരം കടന്നിട്ടുണ്ട്. ഇതില്‍ പകുതിയിലേറെയും സ്ത്രീകളും കുട്ടികളുമാണ്.

Content Highlights:top un official resigns citing genocide of palestinians in gaza strip