പേട്ടാമ്പി: പാലക്കാട് ജില്ലാ പൊലിസിന്റെ ശുഭയാത്ര എന്ന റോഡ് സുരക്ഷ പദ്ധതിയുടെ ഭാഗമായി പട്ടാമ്പി ട്രാഫിക് പൊലിസ് യൂനിറ്റിന്റെ നേതൃത്വത്തില്‍ വിദ്യാര്‍ഥികള്‍ക്കായി റോഡ് സുരക്ഷ ബോധവല്‍ക്കരണ നാടകം നടത്തി.
പട്ടാമ്പി ഗവ. ഹൈസ്‌കൂളില്‍ നടന്ന പരിപാടിയുടെ ഉദ്ഘാടനം ട്രാഫിക് എസ്.ഐ എം.വി വിജയന്‍ നിര്‍വഹിച്ചു.
പെരുമുടിയൂര്‍ ഓറിയന്റല്‍ ഹൈസ്‌കൂള്‍, സി.ജി.എം സ്‌കൂള്‍ തുടങ്ങിയ സ്‌കൂളുകളിലും പ്രസ്തുത പദ്ധതിയുടെ ഭാഗമായി ട്രാഫിക് യൂനിറ്റിന്റെ നേതൃത്വത്തില്‍ മലപ്പുറം ലിറ്റില്‍ എര്‍ത്ത് തിയറ്ററിന്റെ റോഡ് സുരക്ഷ ബോധവല്‍ക്കരണ നാടകവും കോഴിക്കോട് വരദ ഗ്രൂപ്പിന്റെ നേതൃത്വത്തില്‍ വാഹന അപകടത്തില്‍ ഗുരുതരമായി പരുക്കുപറ്റി ജീവിതത്തിലേക്ക് തിരിച്ചുവന്ന ഗണേഷ് കൈലാസ് എന്നയാളുടെ ജീവിത അനുഭവ വിവരണവും മോട്ടിവേഷന്‍ ക്ലാസും സംഘടിപ്പിച്ചു.