ദോഹ: പ്രീക്വാര്‍ട്ടര്‍ ഉറപ്പിച്ചതോടെ ടീമില്‍ സമ്പൂര്‍ണ അഴിച്ചുപണി നടത്തി ഒന്‍പതു മാറ്റങ്ങളുമായി എജ്യുക്കേഷന്‍ സിറ്റി സ്റ്റേഡിയത്തില്‍ തുനീസിയയെ നേരിട്ട നിലവിലെ ചാംപ്യന്‍മാരായ ഫ്രാന്‍സിന് അട്ടിമറിത്തോല്‍വി. ഒരുഗോളിനാണ് ഫ്രാന്‍സിന്റെ തോല്‍വി.

അവസാന നിമിഷം വരെ ഒരു ഗോളിന് പിന്നിലായിരുന്ന ഫ്രാന്‍സ് ഇഞ്ചുറി ടൈമിന്റെ അവസാന സെക്കന്‍ഡില്‍ അന്റോണിയോ ഗ്രീസ്മാന്‍ നേടിയ ഗോളില്‍ സമനില നേടിയതിന്റെ ആശ്വാസത്തിലായെങ്കിലും വാര്‍ പരിശോധനയില്‍ ഗ്രീസ്മാന്‍ നേടിയ ഗോള്‍ ഓഫ് സൈഡാണെന്ന് വ്യക്തമായതോടെ ഗോള്‍ നിഷേധിച്ചു. ഇതോടെയാണ് ടുണീഷ്യയുടെ അട്ടിമറിവിജയം സാധ്യമായത്.

മൂന്ന് കളികളില്‍ നാലു പോയന്റുമായി ടുണീഷ്യയും മൂന്ന് കളികളില്‍ ഒരു പോയന്റ് മാത്രം നേടിയ ഡെന്‍മാര്‍ക്കും പ്രീ ക്വാര്‍ട്ടറിലെത്താതെ പുറത്തായി.ലോകകപ്പില്‍ ഇതാദ്യമായാണ് ടുണീഷ്യ ഒരു യൂറോപ്യന്‍ രാജ്യത്തെ തോല്‍പ്പിക്കുന്നത്.