സുല്‍ത്താന്‍പൂര്‍: നരേന്ദ്ര മോദി രണ്ടുതവണ ഇന്ത്യയുടെ പ്രധാനമന്ത്രിയായത് അഖിലേഷ് യാദവിന്റെയും മായാവതിയുടേയും മണ്ടത്തരം കൊണ്ടാണെന്ന് അസദുദ്ദീന്‍ ഉവൈസി എം.പി.
സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവും ബഹുജന്‍ സമാജ് പാര്‍ട്ടി അധ്യക്ഷ മായാവതിയും മതേതര വോട്ടുകളുടെ ഏകീകരണം ദുര്‍ബലമാക്കിയെന്നാണ് ഉവൈസിയുടെ പരാതി. ഉത്തര്‍പ്രദേശ് തെരഞ്ഞെടുപ്പിന്റെ ഭാഗമായി സുല്‍ത്താന്‍പൂര്‍ ജില്ലയിലെ ഒഡാര ഗ്രാമത്തില്‍ നടത്തിയ റാലിയെ അഭിസംബോധന ചെയ്യുകയായിരുന്നു ഉവൈസി. കഴിഞ്ഞ ദിവസം ഉവൈസി തന്റെ പാര്‍ട്ടിയുടെ ഉത്തര്‍പ്രദേശ് തെരഞ്ഞെടുപ്പ് പ്രചാരണത്തിന് അയോധ്യയില്‍ തുടക്കം കുറിച്ചിരുന്നു. തങ്ങളുടെ പാര്‍ട്ടിയുടെ വോട്ട് ഇല്ലാതാക്കുന്നയാളാണ് ഉവൈസിയെന്ന് നേരത്തെ അഖിലേഷ് യാദവും മായാവതിയും ആരോപിച്ചിരുന്നു. ഇതിനുള്ള പ്രതികരണമാണ് ഉവൈസിയുടെ പ്രസ്താവന.
ന്യൂനപക്ഷത്തിനായി കേന്ദ്ര സര്‍ക്കാര്‍ അനുവദിച്ച 116 കോടി രൂപയില്‍ 10 കോടി രൂപയാണ് യു.പി സര്‍ക്കാര്‍ ഇതുവരെ ഉപയോഗിച്ചതെന്നും അദ്ദേഹം പറഞ്ഞു.