മലപ്പുറം: ഓണ്‍ലൈന്‍ ശരീഅ അക്കാദമിയുടെ പ്രഥമ യൂനിയന്റെ 'അന്നൂര്‍' മാഗസിന്‍ അക്കാദമി മുഖ്യ ഉപദേഷ്ടാവ് കൂടിയായ പാണക്കാട് സയ്യിദ് മുനവ്വറലി ശിഹാബ് തങ്ങള്‍ രക്ഷാധികാരി സയ്യിദ് ശഹീറലി ശിഹാബ് തങ്ങള്‍ക്ക് കൈമാറി പ്രകാശനം ചെയ്തു. ഒ.എസ്.എ ഡയരക്ടറും പ്രിന്‍സിപ്പാളുമായ മുഈനുദ്ദീന്‍ ബാഖവി മുഖ്യാതിഥിയായി.

ശരീഅ പഠനത്തിനായി കഴിഞ്ഞവര്‍ഷമാണ് ഓണ്‍ലൈന്‍ ശരീഅ അക്കാദമിക്ക് തുടക്കമായത്. രണ്ടു ബാച്ചുകൡലായി കേരളത്തിലുടനീളമുള്ള നൂറില്‍ പരം വിദ്യാര്‍ഥികള്‍ ഓണ്‍ലൈനായി പഠനം നടത്തുന്നുണ്ട്.

ഓണ്‍ലൈന്‍ പ്രകാശന ചടങ്ങില്‍ യൂനിയന്‍ ചെയര്‍മാന്‍ താജുദ്ദീന്‍ തങ്ങള്‍ കാസര്‍കോട് അധ്യക്ഷത വഹിച്ചു. എസ്.വി മുഹമ്മദലി പരിശീലന ക്ലാസിന് നേതൃത്വം നല്‍കി.

[video width="848" height="480" mp4="https://suprabhaatham.com/wp-content/uploads/2021/09/WhatsApp-Video-2021-09-11-at-2.58.58-PM.mp4"][/video]

ഒ.എസ്.എ അധ്യാപകരായ യൂനുസ് ബാഖവി മഞ്ചേരി, അബൂബക്കര്‍ ഹുദവി മുണ്ടംപറമ്പ്, ശരീഫ് ദാരിമി കോഴിക്കോട്, സാലിം നദ്‌വി മഞ്ചേരി, മാഗസിന്‍ എഡിറ്റര്‍മാരായ സലാഹുദ്ദീന്‍ പി.സി.എച്ച്, റസാഖ് എം. അബ്ദുല്ല, സയ്യിദ് ത്വാഹ തങ്ങള്‍, സയ്യിദ് റാജിഹ് അലി ശിഹാബ് തങ്ങള്‍ റിയാസ്, മുഹമ്മദ് ഷമീര്‍, മുഹമ്മദ് അസ്‌ലം, മാഹിന്‍ മുഷീര്‍, ജമാല്‍ ഹംദാനി, ശഹാബുദ്ദീന്‍, മുഹമ്മദ് അസ്‌ലം, നിസാമുദ്ദീന്‍ തുടങ്ങിയവര്‍ സംസാരിച്ചു. മുഹമ്മദ് ഷാഫി പാലക്കല്‍ സ്വാഗതവും കബീര്‍ കോഴിക്കോട് നന്ദിയും പറഞ്ഞു.