ദോഹ • കിം സംഘം തീര്‍ത്ത പ്രതിരോധ മതില്‍ ഇടിച്ചുപൊളിച്ച് മുന്നേറിയുള്ള കാനറിപ്പടയുടെ ചിറകടിയില്‍ പരിശീലകന്‍ ടിറ്റെ പോലും സാംബാ താളത്തില്‍ ലയിച്ചു മതിമറന്നു. കരുത്തരായ പോര്‍ച്ചുഗലിനെ അട്ടിമറിച്ച കൊറിയന്‍ പടയ്‌ക്കെതിരേ ഗോളിലാറാടി ബ്രസീല്‍. മൈതാനത്ത് നിറഞ്ഞാ ടിയ കാനറിപ്പട 41ന് വിജയഭേരി മുഴക്കി. കൃത്യതയാര്‍ന്ന പാസിങും വേഗതയും കൈമുതലാക്കി സ്റ്റേഡിയം 974ല്‍ ആറാടിയ കാ നറികളെ പൂട്ടാന്‍ പോലും കൊ റിയന്‍ സംഘം നന്നേ പാടുപെ ട്ടു. ആദ്യ പകുതിയില്‍ നാലു ഗോ ളിട്ട് രണ്ടാം പകുതിയില്‍ പ്രതി രോധം കാത്തുകളിച്ച ബ്രസീല്‍ ഗോളടിക്കാന്‍ മറന്നു. ബ്രസീലി നു വേണ്ടി വിനിഷ്യസ് ജൂനിയര്‍, നെയ്മര്‍, റിച്ചാര്‍ലി സന്‍, പറ്റ എന്നിവര്‍ ലക്ഷ്യം കണ്ടു.

ക്വാര്‍ട്ട റില്‍ ക്രൊയേഷ്യമാണ് ബ്രസീലി ന്റെ എതിരാളി. പരുക്കേറ്റ് അവസാന രണ്ട് ഗ്രൂപ്ഘട്ട മത്സരങ്ങളില്‍ ബെഞ്ചിലിരുന്ന സൂപ്പര്‍ താരം നെയ്മറെ ഇറക്കിയാണ് ടിറ്റെ കളി മെനഞ്ഞത്. മത്സരത്തിലെ ഏഴാം മിനുട്ടി ലാണ് ബ്രസീല്‍ ഗോള്‍വര്‍ഷ ത്തിന് തുടക്കമിട്ടത്. കൊറിയന്‍ പ്രതിരോധത്തെ നിഷ്പ്രഭമാക്കി നെയ്മര്‍ നല്‍കിയ ക്രോസ് മാര്‍ക്ക് ചെയ്യാതെ നിന്ന വിനിഷ്യസ് ജൂനിയര്‍ സ്വീകരിച്ച് പന്ത് അനായാസം വലയിലാക്കി. വൈകാതെ 13ാം മിനുട്ടില്‍ ടീമിന്റെ രണ്ടാം ഗോളും പിറന്നു. ബോക്‌സിനുളില്‍ കൊറിയന്‍ താരം വയങ് ജങ് വീഴ്ത്തിയതിനായിരുന്നു പെനാല്‍റ്റി. കിക്കെടുത്ത നെയ്മറിന് പിഴച്ചില്ല. ഗോള്‍കീപ്പറെ കബളിപ്പിച്ച് പോസ്റ്റിന്റെ വലത്തെ മൂലയില്‍ പന്തിട്ടതോടെ ബ്രസീല്‍ വിജയം മുന്നില്‍ കണ്ടു. 77 ാം മിനുട്ടില്‍ കൊറിയ വല ചലിപ്പിച്ചു.