തിരുവനന്തപുരം:കിഴക്കേകോട്ടയില്‍ റൂട്ട് തെറ്റിച്ചത്് ചോദ്യം ചെയ്ത കെ.എസ്.ആര്‍.ടി.സി ഡ്രൈവര്‍ക്ക് സ്വകാര്യ ബസ് ഡ്രൈവറുടെ മര്‍ദനം.പേരൂര്‍ക്കട ഡിപ്പോയിലെ ഡ്രൈവര്‍ പി.ജെ. ജലജ കുമാറിനാണ് സ്വകാര്യ ബസ് ഡ്രൈവറുടെ മര്‍ദനമേറ്റത്.ഇന്ന് രാവിലെയായിരുന്നു സംഭവം.

വഴയിലയില്‍ നിന്ന് മെഡിക്കല്‍ കോളജ് വരെ സര്‍വിസ് നടത്താന്‍ അനുമതിയുള്ള സ്വകാര്യ ബസ് റൂട്ട് തെറ്റിച്ച് കിഴക്കേക്കോട്ടയിലേക്കും സര്‍വിസ് നടത്തിയത് ചോദ്യം ചെയ്തതായിരുന്നു മര്‍ദ്ദന കാരണം. ബസിനുള്ളില്‍ വെച്ചും ബസില്‍ നിന്ന് പുറത്തേക്കിറക്കി മര്‍ദിച്ചെന്നും ജലജ കുമാര്‍ ഫോര്‍ട്ട് പൊലീസിനും ആര്‍.ടി.ഒക്കും നല്‍കിയ പരാതിയില്‍ പറയുന്നു.