തിരുവനന്തപുരം: ടീം തലസ്ഥാനം ബാന്‍ഡിന്റെ ഔദ്യോഗിക പ്രഖ്യാപനവും അവര്‍ പുറത്തിറക്കുന്ന 'ഫ്രീക്ക് ഓണം' സംഗീത ആല്‍ബത്തിന്റെ പ്രകാശനവും ഇന്ന് നടക്കും. വൈകിട്ട് നാലു മണിക്ക് കനകക്കുന്ന് പ്രവേശന കവാടത്തില്‍ നടക്കുന്ന ചടങ്ങില്‍ കെ.മുരളീധരന്‍ എം.എല്‍.എ ബാന്‍ഡിന്റെ ഉദ്ഘാടനവും വെബ്‌സൈറ്റ് ലോഞ്ചിങ്ങും നിര്‍വഹിക്കും. തുടര്‍ന്ന് ഫ്രീക്ക് ഓണം ഓഡിയോ സിഡി സംവിധായകന്‍ ആര്‍.എസ് വിമല്‍ നടന്‍ അരിസ്റ്റോ സുരേഷിനു നല്‍കി പ്രകാശനം ചെയ്യും. മാധ്യമ പ്രവര്‍ത്തകനായ പ്രജോദ് കടയ്ക്കലാണ് ഗാനം രചിച്ചത്. ചലച്ചിത്ര സംഗീത സംവിധായകന്‍ ജയന്‍ പിഷാരടി സംഗീതം നല്‍കി അദ്ദേഹത്തോടൊപ്പം യുവഗായകന്‍ സജി സുരനും ചേര്‍ന്നാണ് ആലപിച്ചിരിക്കുന്നത്.