കിളിമാനൂര്‍ : വിദേശത്ത് പോകുന്നതിന് മകനെ വിമാനത്താവളത്തിലാക്കി മടങ്ങുന്നതിനിടെ പിതാവ് അപകടത്തില്‍ മരിച്ചു. അടൂര്‍ പള്ളിക്കല്‍ ഇരണ്യ നെല്ലൂര്‍ മഹാദേവ ക്ഷേത്രത്തിനു സമീപം അമ്പിളി ഭവനില്‍ ഗോപാലകൃഷ്ണന്‍ നായര്‍ (68) ആണ് മരിച്ചത്.
ഇന്നലെ പുലര്‍ച്ചെ മൂന്നരയോടെ സംസ്ഥാന പാതയില്‍ കിളിമാനൂരിനു സമീപം മണലേത്ത് പച്ചയിലായിരുന്നു അപകടം.
എതിര്‍ദിശയില്‍ നിന്നെത്തിയ കാറുകള്‍ കൂട്ടിയിടിക്കുകയായിരുന്നു. മൂന്നു പേര്‍ക്ക് പരുക്കേല്‍ക്കുകയും ചെയ്തു. പത്തനംതിട്ട വെട്ടൂര്‍ സ്വദേശികളായ സിസിലി ചാക്കോ,ലിസി പൊന്നച്ചന്‍ .എബ്രഹാം എന്നിവര്‍ക്കാണ് പരുക്കേറ്റത്. ഇവരെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.അപകടവാര്‍ത്തയറിഞ്ഞ് ഗോപാലകൃഷ്ണന്റെ മകന്‍ അനില്‍ കുമാര്‍ യാത്ര റദ്ദാക്കി.കിളിമാനൂര്‍ പൊലിസ് കേസെടുത്തു .