തങ്ങളുടെ ആദ്യ രഹസ്യ നിരീക്ഷണ ഉപഗ്രഹം വിജയകരമായി വിക്ഷേപിച്ച് ഉത്തരകൊറിയ. മല്ലിഗ്യോങ് 1 എന്നറിയപ്പെടുന്ന ഉപഗ്രഹം ആറ് മാസത്തിനിടെ നടത്തിയ മൂന്നാമത്തെ ശ്രമത്തിലാണ് വിജയകരമായി വിക്ഷേപണം നടത്തിയത്. ചൊവ്വാഴ്ച ഇന്ത്യന്‍ സമയം വൈകിട്ട് 7.13നായിരുന്നു സൊഹേ ഉപഗ്രഹ വിക്ഷേപണ കേന്ദ്രത്തില്‍ നിന്നും മല്ലിഗ്യോങ് 1ന്റെ വിക്ഷേപണം. വിക്ഷേപണത്തിന് പിന്നാലെ ബുധനാഴ്ച യുഎസില്‍ നിന്നുള്ള മുന്നറിയിപ്പ് മറികടന്ന് 2018ല്‍ ഉത്തരകൊറിയയുമായി ഉണ്ടാക്കിയ സൈനികകരാറിലെ ചില ഭാഗങ്ങള്‍ ദക്ഷിണകൊറിയ ഒഴിവാക്കിയിട്ടുണ്ട്.

റഷ്യയാണ് ഉപഗ്രഹം വിക്ഷേപിക്കുന്നതില്‍ ഉത്തരകൊറിയക്ക് സഹായം നല്‍കുന്നതെന്നാണ് ദക്ഷിണകൊറിയയുടെ ആരോപണം.ആദ്യ ശ്രമങ്ങള്‍ പരാജയപ്പെട്ടതിന് പിന്നാലെ യുഎന്‍ രക്ഷാസമിതിയില്‍ സംസാരിക്കവെ രഹസ്യ നിരീക്ഷണ ഉപഗ്രഹം തങ്ങളുടെ രാജ്യമെന്ന നിലയിലുള്ള അവകാശത്തിന് കീഴില്‍ വരുന്നതാണെന്നാണ് ഉത്തരകൊറിയന്‍ അംബാസഡര്‍ കിം സോങ്ങ് പറഞ്ഞത്.

Content Highlights:North Korea says spy satellite launch is successful