കോഴിക്കോട്: 'ശുഭയാത്ര' റോഡ് സുരക്ഷാ ബാധവല്‍ക്കരണത്തിന്റെ ഭാഗമായി 'ബ്രഷ് സ്‌ട്രോക്ക് ' എന്ന പേരില്‍ സിറ്റി ട്രാഫിക് പൊലിസ് ചിത്രരചന സംഘടിപ്പിച്ചു. കിഡ്‌സണ്‍ കോര്‍ണറില്‍ നടന്ന പരിപാടി ക്യാന്‍വാസില്‍ ചായം തേച്ചുകൊണ്ട് ജില്ലാ പൊലിസ് മേധാവി ഉമ ബെഹ്‌റ ഐ.പി.എസ് ഉദ്ഘാടനം ചെയ്തു. വാഹനങ്ങള്‍ ശ്രദ്ധയോടെ ഓടിക്കുക, അപകടങ്ങള്‍ ഒഴിവാക്കുക എന്നതാണ് പരിപാടിയുടെ സന്ദേശം. ചടങ്ങില്‍ ട്രാഫിക് സി.ഐ ടി.പി ശ്രീജിത്ത്, എസ്.ഐമാരായ പി. പ്രകാശ്, എം.കെ രാജന്‍ മറ്റു പൊലിസുദ്യോഗസ്ഥര്‍, സ്റ്റുഡന്റ്‌സ് പൊലിസ് കേഡറ്റുകള്‍ പങ്കെടുത്തു.