കല്‍പ്പറ്റ: മുന്‍ജില്ലാ പഞ്ചായത്ത് വൈസ് പ്രസിഡന്റായിരുന്ന സി ഭാസ്‌കരന്റെ നിര്യാണത്തില്‍ ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി അനുശോചിച്ചു.
2000-05 കാലഘട്ടത്തിലും 2005-10 കാലഘട്ടത്തിലും ജില്ലാ പഞ്ചായത്ത് അംഗമായും ഒരു തവണ വൈസ് പ്രസിഡന്റായും തെരഞ്ഞെടുക്കപ്പെട്ട അദ്ദേഹത്തിന്റെ നിര്യാണം ജില്ലയിലെ സാമൂഹിക സാംസ്‌കാരിക മേഖലക്ക് കനത്ത നഷ്ടമാണെന്ന് ടി.ഉഷാകുമാരി പറഞ്ഞു.
പുല്‍പള്ളി: സി.പി.എം ജില്ലാ സെക്രട്ടറി സി. ഭാസ്‌ക്കരന്റെ നിര്യാണത്തില്‍ ശ്രീനാരായണ ഗ്ലോബല്‍ മിഷന്‍ ജില്ലാ കമ്മിറ്റി അനുശോചിച്ചു. ഇന്ന് നടത്താനിരുന്ന ശ്രീനാരായണ ഗുരുദേവന്റെ ജാതിയില്ലാ വിളംബരം ശതാബ്ദി പരിപാടി മാറ്റിവച്ചതായി ജില്ലാ പ്രസിഡന്റ് അഡ്വ. പി. ചാത്തുക്കുട്ടി, സെക്രട്ടറി കെ.ആര്‍ ജയരാജ് അറിയിച്ചു.
കല്‍പ്പറ്റ: സി.പി.എം ജില്ലാ സെക്രട്ടറി സി. ഭാസ്‌കരന്റെ നിര്യാണത്തില്‍ ആര്‍.എസ്.പി ലെനിനിസ്റ്റ് ജില്ലാ കമ്മിറ്റി അനുശോചിച്ചു. കുര്യാക്കോസ് മാത്യു അധ്യക്ഷനായി. ജില്ലാ സെക്രട്ടറി ബെന്നി ചെറിയാന്‍, ഷാലിന്‍ ജോര്‍ജ്, മമ്മൂട്ടി കാഞ്ഞായി, പി.ജെ ടോമി, മേഴ്‌സി വര്‍ക്കി, ഹാരിസ് തോട്ടുങ്കല്‍, വര്‍ഗീസ്, ഏലിയാമ്മ സംസാരിച്ചു.
കല്‍പ്പറ്റ: സി.പി.ഐ.എം ജില്ലാ സെക്രട്ടറിയും മുന്‍ ജില്ലാ പഞ്ചായത്ത് വൈസ് പ്രസിഡന്റുമായിരുന്ന സി ഭാസ്‌കരന്റെ നിര്യാണത്തില്‍ കേരള സംസ്ഥാന വ്യാപാരി വ്യവസായി സമിതി ജില്ലാ കമ്മിറ്റി അനുശോചിച്ചു.
ജില്ലയില്‍ തൊഴിലാളികളുടെയും അവശത അനുഭവിക്കുന്ന ജന വിഭാഗങ്ങളുടെയും അവകാശ സമര പോരാട്ടങ്ങള്‍ക്ക് നേതൃത്വം നല്‍കിയ സഖാവിന്റെ വേര്‍പാട് തൊഴിലാളി പ്രസ്ഥാനത്തിനും അവശ ജനവിഭാഗത്തിനും തീരാ നഷ്ടമാണെന്ന് ജില്ലാ കമ്മിറ്റി അഭിപ്രായപ്പെട്ടു.
ജില്ലാ പ്രസിഡന്റ് എ.ജെ കുര്യന്‍ അധ്യക്ഷനായി. ജില്ലാ സെക്രട്ടറി വി.കെ തുളസീദാസ്, വൈസ് പ്രസിഡന്റുമാരായ പി. പ്രസന്ന കുമാര്‍, സി.പി സുനില്‍ റാം, ജോ.സെക്രട്ടറിമാര്‍ പി.കെ സിദ്ദീഖ്, സി.കെ ശ്രീധരന്‍, ട്രഷറര്‍ കെ.ആര്‍ ഗോപി സംസാരിച്ചു.