കല്‍പ്പറ്റ: കാലിക്കറ്റ് യൂനിവേഴ്‌സിക്ക് കീഴില്‍ ജില്ലയില്‍ പ്രവര്‍ത്തിക്കുന്ന ഓറിയന്റല്‍ ആര്‍ട്‌സ് ആന്‍ഡ് സയന്‍സ് കോളജ് പ്രിന്‍സിപ്പലിനെ വിദ്യാര്‍ഥികള്‍ ഉപരോധിച്ചു. നാല് വര്‍ഷം മുന്‍പ് ആരംഭിച്ച ക്യാംപസില്‍ അടിസ്ഥാന സൗകര്യങ്ങളൊരുക്കുന്നതിലെ അലംബാവത്തില്‍ പ്രതിഷേധിച്ചായിരുന്നു ഉപരോധം. പ്രശ്‌നത്തിന് കൃത്യമായ പരിഹാരം ഉണ്ടായില്ലങ്കില്‍ ശക്തമായ സമര പരിപാടിയുമായി മുന്നോട്ട് വരുമെന്ന് വിദ്യാര്‍ഥി ജനത ജില്ലാ കമ്മിറ്റി ഭാരവാഹികള്‍ അറിയിച്ചു. സംസ്ഥാന ജന.സെക്രട്ടറി പി.പി ഷൈജല്‍, റംഷീദ് ചേമ്പയില്‍, ഷമീര്‍, മാത്യു, എ.പി ഫാസില്‍, നിംനേഷ് നേതൃത്വം നല്‍കി.