എക്സിറ്റ് പോളുകള് വിശ്വസിക്കരുത്; കര്ണാടകയില് എന്താണ് സംഭവിച്ചതെന്ന് നാം കണ്ടതാണ്: ഡി.കെ ശിവകുമാര്
എക്സിറ്റ് പോളുകള് വിശ്വസിക്കരുത്; കര്ണാടകയില് എന്താണ് സംഭവിച്ചതെന്ന് നാം കണ്ടതാണ്: ഡി.കെ ശിവകുമാര്
ബെംഗലുരു: അഞ്ച് സംസ്ഥാനങ്ങളിലെയും നിയമ സഭാ തെരഞ്ഞെടുപ്പുകളില് കോണ്ഗ്രസ് വമ്പിച്ച മുന്നേറ്റം കാഴ്ച്ചവെക്കുമെന്ന് കര്ണാടക ഉപമുഖ്യമന്ത്രി ഡി.കെ ശിവകുമാര്. എക്സിറ്റ് പോളുകള് വിശ്വസിക്കരുതെന്നും സംസ്ഥാനത്തിന്റെ മൊത്തം വികാരങ്ങള് എക്സിറ്റ് പോളില് പ്രതിഫലിക്കില്ലെന്നും അദ്ദേഹം പറഞ്ഞു. മധ്യപ്രദേശ്, രാജസ്ഥാന്, തെലങ്കാന, ഛത്തീസ്ഗഢ്, മിസോറാം എന്നീ സംസ്ഥാനങ്ങളിലെ തെരഞ്ഞെടുപ്പ് ഫലം വരാനിരിക്കെയാണ് ഡി.കെയുടെ പരമാര്ശം.
'എക്സിറ്റ് പോളുകള് വിശ്വസിക്കരുത്. കര്ണാടകയില് എന്താണ് സംഭവിച്ചതെന്ന് നമ്മള് കണ്ടതാണ്. എക്സിറ്റ് പോളുകള് സാമ്പിള് സര്വ്വേ മാത്രമാണ്. സംസ്ഥാനത്തിന്റെ മൊത്തം വികാരമൊന്നും എക്സിറ്റ് പോളുില് പ്രതിഫലിക്കണമെന്നില്ല. അഞ്ച് സംസ്ഥാനങ്ങളിലും കോണ്ഗ്രസ് വമ്പിച്ച മുന്നേറ്റം തന്നെ ഉണ്ടാക്കും,' ഡി.കെ പറഞ്ഞു.
മിസോറാം ഒഴികെയുള്ള ബാക്കി സംസ്ഥാനങ്ങളില് നാളെയാണ് വോട്ടെണ്ണല്. മിസോറാമില് ഫല പ്രഖ്യാപനം തിങ്കളാഴ്ച്ചത്തേക്ക് മാറ്റിയിട്ടുണ്ട്. രാജസ്ഥാനില് കോണ്ഗ്രസിന് അധികാരം നഷ്ടമാകുമെന്നാണ് എക്സിറ്റ് പോള് ഫലങ്ങള് പറയുന്നത്. മധ്യപ്രദേശില് ബി.ജെ.പിയും കോണ്ഗ്രസും ഒപ്പത്തിനൊപ്പം എത്തുമെന്നും, തെലങ്കാനയില് കോണ്ഗ്രസ് മുന്നേറ്റമുണ്ടാക്കുമെന്നുമാണ് ഭൂരിഭാഗം ഫലങ്ങളും പ്രവചിക്കുന്നത്. ഛത്തീസ്ഗഢില് കോണ്ഗ്രസ് വീണ്ടും അധികാരത്തിലെത്തുമെന്നും എക്സിറ്റ് പോള് ഫലങ്ങള് ചൂണ്ടിക്കാണിക്കുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."