കൊച്ചി: കേന്ദ്രപദ്ധതികളുടെ ഉദ്ഘാടനവും എൻ.ഡി.എ തെരഞ്ഞെടുപ്പ് കൺവൻഷനും ഉൾപ്പടെ വിവിധ പരിപാടികളിൽ പങ്കെടുക്കുന്നതിനായി പ്രധാനമന്ത്രി നരേന്ദ്രമോദി ഇന്ന് കൊച്ചിയിലെത്തും. ഉച്ചയ്ക്ക് 12.30 മുതൽ 1.00 വരെ മറൈൻ ഡ്രൈവിൽ നടക്കുന്ന ധീവരസഭ സുവർണജൂബിലി സമ്മേളനത്തിൽ പങ്കെടുക്കും. 1.15ന് കലൂർ അന്താരാഷ്ട്ര സ്റ്റേഡിയത്തിൽ നടക്കുന്ന ചടങ്ങിൽ വിവിധ കേന്ദ്രസർക്കാർ പദ്ധതികളുടെ ഉദ്ഘാടനം നിർവഹിക്കും.

ALSO READ: അടുക്കള യുദ്ധം; പ്രകൃതിവാതക വിതരണം നിയന്ത്രിക്കാൻ അവശ്യവസ്തു നിയമം ബാധകമാക്കി കേന്ദ്രം, ഗാർഹിക, ഗതാഗത ആവശ്യങ്ങൾക്ക് പ്രഥമ പരിഗണന  

ബി.പി.സി.എൽ പോളിപ്രൊപ്പലിൻ യൂനിറ്റിന്റെ ഉദ്ഘാടനം, തലപ്പാടി- ചെങ്കള സെക്ഷൻ ആറുവരിപ്പാത, നവീകരിച്ച കോഴിക്കോട് ബൈപാസ്, 23 ഗ്രാമീണ റോഡുകൾ, ഷൊർണൂർ-നിലമ്പൂർ റോഡ് റെയിൽവേ ലൈൻ വൈദ്യുതീകരണ പദ്ധതി എന്നിവയുടെ ഉദ്ഘാടനവും പാലക്കാട് - പൊള്ളാച്ചി റൂട്ടിലെ പുതിയ ട്രെയിൻ സർവിസിന്റെ ഫ്ളാഗ് ഓഫും പ്രധാനമന്ത്രി നിർവഹിക്കും. ഉച്ചയ്ക്ക് കലൂർ സ്റ്റേഡിയത്തിൽ നടക്കുന്ന എൻ.ഡി.എ തെരഞ്ഞെടുപ്പ് കൺവൻഷൻ പൊതുസമ്മേളനത്തിൽ പങ്കെടുക്കും.