തളിപ്പറമ്പ്: നരിക്കോട് എച്ചിലാംവയലിലും നാടുകാണിയിലെ അടച്ചിട്ട വീട്ടിലും കവര്‍ച്ചനടത്തിയ പോണ്ടിച്ചേരി കാരക്കല്‍ സ്വദേശി ദീപക് സാംഗ്ലി വില്‍പ്പന നടത്തിയ ഏഴുപവന്‍ സ്വര്‍ണാഭരണങ്ങള്‍ തമിഴ്‌നാട്ടിലെ ജയകുണ്ഠത്തെ ജ്വല്ലറിയില്‍ നിന്നു തളിപ്പറമ്പ് സി ഐ കെ.ഇ പ്രേമചന്ദ്രന്റെ നേതൃത്വത്തിലുള്ള സംഘം പിടിച്ചെടുത്തു. നരിക്കോട്ടെ പി.കെ ഉമാശങ്കറിന്റെ വീട്ടില്‍ നിന്നും കവര്‍ച്ച ചെയ്ത ആഭരണങ്ങള്‍ ഇവിടെ വില്‍പ്പന നടത്തിയിരുന്നു. കഴിഞ്ഞദിവസമാണ് ചങ്ങനാശേരിയില്‍ വച്ച് മോഷ്ടിച്ച ലാപ്‌ടോപ്പ് സഹിതം ഇയാള്‍ പിടിയിലായത്. പൊലിസിന്റെ ചോദ്യം ചെയ്യലിലാണ് തളിപ്പറമ്പ് നാടുകാണിയിലെ മഠത്തില്‍ അബ്ദുള്ളയുടെ വീട്ടില്‍ ജൂണ്‍ 21ന് ഹജ്ജ് കര്‍മ്മത്തിന് പോകാനായി സൂക്ഷിച്ച 1,30,000 രൂപയും നരിക്കോട് നിന്ന് സ്വര്‍ണം മോഷ്ടിച്ചതും ഇയാള്‍ സമ്മതിച്ചത്.