1
ആലക്കോട്: ഓട്ടോറിക്ഷയില്‍ വിദേശ മദ്യം വില്‍പന നടത്തുന്നതിനിടെ രണ്ടുപേര്‍ എക്‌സൈസ് സംഘത്തിന്റെ പിടിയിലായി. കഴിഞ്ഞ ദിവസം രാത്രി 10 മണിയോടെ ആലക്കോട് ടൗണില്‍ വച്ചാണ് കുടിയാന്‍മല കനകക്കുന്ന് സ്വദേശികളായ കേടുമുള്ളൂര്‍തറ വിജയന്‍(53), പുളിക്കല്‍ സിനില്‍ (28) എന്നിവര്‍ അറസ്റ്റിലായത്.
ഇവരില്‍ നിന്ന് 18 ലിറ്റര്‍ വിദേശ മദ്യവും പിടികൂടി. മദ്യം സൂക്ഷിച്ചിരുന്ന ഓട്ടോറിക്ഷയും കസ്റ്റഡിയില്‍ എടുത്തു.
ലിങ്ക് റോഡിലെ ബീവറേജ് ഔട്ട്‌ലെറ്റില്‍ നിന്നും വന്‍ തോതില്‍ മദ്യം ശേഖരിച്ച് മറ്റു സ്ഥലങ്ങളില്‍ വില്‍പ്പന നടത്തുന്ന സംഘത്തില്‍പെട്ടവരാണ് പിടിയിലായതെന്ന് ഉദ്യോഗസ്ഥര്‍ പറഞ്ഞു.
എക്‌സൈസ് എ.എസ്.ഐ സി ജയപ്രകാശന്‍, പ്രിവന്റീവ് ഓഫിസര്‍ സി.സി രാജന്‍, സിവില്‍ എക്‌സൈസ് ഓഫിസര്‍മാരായ ടി.ആര്‍ രാജേഷ്, പി.കെ രാജീവ്, ജോസ്.ടി ജോസ്, കെ.ജി മുരളീദാസ് എന്നിവരുടെ നേതൃത്വത്തിലായിരുന്നു പരിശോധന.