ഇംഗ്ലീഷ് പ്രീമിയര്‍ ലീഗില്‍ ആഴ്‌സണല്‍ ബ്രൈറ്റണെ തോല്‍പ്പിച്ചു. എതിരില്ലാത്ത രണ്ടു ഗോളുകള്‍ക്ക് ആയിരുന്നു ആഴ്‌സണലിന്റെ വിജയം. എമിറേറ്റ്‌സ് സ്റ്റേഡിയത്തില്‍ നടന്ന മത്സരത്തില്‍ തുടക്കം മുതല്‍ ആഴ്‌സണലിന്റെ ആധിപത്യം ആണ് കണ്ടത്. നിരവധി അവസരങ്ങള്‍ അവര്‍ സൃഷ്ടിച്ചു എങ്കിലും ആദ്യ പകുതിയില്‍ ഗോള്‍ നേടാനായില്ല.

രണ്ടാം പകുതിയുടെ തുടക്കത്തില്‍ ഒരു കോര്‍ണറില്‍ നിന്നാണ് ആഴ്‌സണലിന്റെ ആദ്യ ഗോള്‍ വന്നത്. ഒരു ഹെഡറിലൂടെ ഗബ്രിയേല്‍ ജീസുസ് ആണ് പന്ത് ലക്ഷ്യത്തില്‍ എത്തിച്ചത്. ഇതു കഴിഞ്ഞും നിരവധി അവസരങ്ങള്‍ അവര്‍ സൃഷ്ടിച്ചു. പക്ഷെ അവസരങ്ങള്‍ ഒന്നും ലക്ഷ്യത്തില്‍ എത്തിയില്ല. അവസാനം 87ആം മിനുട്ടില്‍ ഹവേര്‍ട്‌സ് അവരുടെ വിജയം ഉറപ്പിച്ച രണ്ടാം ഗോള്‍ നേടി. ഈ വിജയത്തോടെ ആഴ്‌സണല്‍ 17 മത്സരങ്ങളില്‍ നിന്ന് 39 പോയിന്റുമായി ലീഗില്‍ തല്‍ക്കാലം ഒന്നാമത് എത്തി. ബ്രൈറ്റണ്‍ 26 പോയിന്റുമായി ഒമ്പതാം സ്ഥാനത്താണ് ഉള്ളത്.

ഇംഗ്ലീഷ് പ്രീമിയര്‍ ലീഗ്: ബ്രൈറ്റണെ തോല്‍പ്പിച്ച് ആഴ്‌സണല്‍ ലീഗില്‍ ഒന്നാമത്