കല്ലടിക്കോട്: കോങ്ങാട് നിന്ന് പുലാപ്പറ്റയിലേക്ക് വരുകയായിരുന്ന സ്വകാര്യ ബസ് കൊട്ടശ്ശേരിക്കടുത്ത് നിയന്ത്രണം വിട്ട് പാടത്തേക്ക് മറിഞ്ഞു. യാത്രക്കാര്‍ രക്ഷപ്പെട്ടു.
റോഡിനിരുവശവും കൈവരികള്‍ ഒന്നുമില്ലാത്ത ഭാഗത്താണ് 15 അടി താഴ്ചയിലേക്ക് ബസ് മറിഞ്ഞത്. പാടശേഖരങ്ങളുടെ ഇടയിലൂടെ വലിയ ഇറക്കവും വളവും കൂടിയ ഭാഗമാണിവിടം.
അവധി ദിവസമായതിനാല്‍ യാത്രക്കാര്‍ കുറവായിരുന്നു. ഡ്രൈവര്‍ക്ക് നിസാര പരുക്കുണ്ട്. യാത്രക്കാര്‍ക്ക് ആര്‍ക്കും തന്നെ കാര്യമായ പരുക്കുകളൊന്നുമില്ല.
രക്ഷാപ്രവര്‍ത്തനത്തിന് നാട്ടുകാര്‍ നേതൃത്വം നല്‍കി.