ആനക്കര: ചേരാംചിറയില്‍ 32 ഏക്കറില്‍ ഇത്തവണ നെല്‍കൃഷിയിറക്കുന്നു. വര്‍ഷങ്ങളായി തരിശിട്ട പട്ടിത്തറ കൃഷിഭവന്‍ പരിധിയിലെ ഈ പ്രദേശത്ത് പുതിയ കൂട്ടായ ശ്രമത്തിന്റെ ഭാഗമായാണ് ഇത്രയുംസ്ഥലത്ത് കൃഷിയിറക്കാനായത്. വാര്‍ഡംഗം കൃഷ്ണദാസിന്റെ സഹായത്തോടെ കൃഷി അസിസ്റ്റന്റ് ഗിരീഷിന്റെ ശ്രമങ്ങള്‍ വിജയിക്കുകയായിരുന്നു. സ്ഥല ഉടമകളുമായി സംസാരിച്ച് അവരെ കൃഷിചെയ്യാന്‍ പ്രേരിപ്പിക്കുകയായിരുന്നു ആദ്യപടി.
കൃഷിയില്‍ തല്‍പരരായ ഒരുപറ്റം ചെറുപ്പക്കാരും നെല്‍കൃഷിക്ക് തയ്യാറായതോടെ പരിപാടി ലക്ഷ്യംകാണുകയായിരുന്നു. മൂത്താട്ട്പടി രാജന്‍, പൂളക്കപറമ്പില്‍ മോായതീന്‍കുട്ടി, വേണുഗോപാലന്‍, രാജേഷ്, പാതിരികാട്ടില്‍ താമി, അജയന്‍ എന്നിവരുള്‍പടെ നിരവധി പേരാണ് ഈ തരിശു കൃഷിയില്‍ പങ്കാവികളായത്. ഇവര്‍ക്ക് മറ്റു സഹായങ്ങള്‍ കൃഷിഭവന്‍ വഴി ലഭ്യമാക്കും.