HOME
DETAILS

കവിത മടങ്ങി വരു മ്പോള്‍

  
backup
October 17 2021 | 03:10 AM

104163245-2

സുറാബ് 
 
 
ഓരോ കവിതയും മടങ്ങിവരുമ്പോള്‍ 
പട്ടടയില്‍ ആരോ 
കത്തിയമരുന്നതുപോലെ. 
രക്തബന്ധത്തില്‍പ്പെട്ടവരാകാം,
സ്‌നേഹബന്ധത്തില്‍പ്പെട്ടവരാകാം,
ആരുമാകാം,
സ്വന്തം ഹൃദയമാകാം.
 
എത്രയെത്ര കവിതകളുടെ 
തീക്കണ്ണുകള്‍, ശവഗന്ധങ്ങള്‍.
ശ്വാസംമുട്ടുന്നു.
നിരാശ കുടിച്ച് വറ്റിത്തീരുന്നു.
 
ഗോപാലകൃഷ്ണന്‍ പറഞ്ഞു,
എഴുത്തു നിര്‍ത്തി.
എന്തിനേറെ, സ്വന്തം പേരുമാറ്റി.
പത്രാധിപര്‍ പറഞ്ഞു,
പേരല്ല, കവിതയുടെ വേരാണ് നിശ്ചയം.
 
കുഞ്ഞുണ്ണിമാഷ് തിരുത്തി,
തന്റെ കവിതയും മടങ്ങിയതില്‍പെടും.
നന്നായി വായിക്കൂ, വെളിച്ചപ്പെടും.
വായനക്കാര്‍ പറഞ്ഞു,
എഴുത്ത് നിര്‍ത്തരുത്.
കാലം മാറും, ആസ്വാദനവും.
അപ്പോള്‍ നിങ്ങളായിരിക്കും
മഹാകവി.
 


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."