പാലക്കാട്: നാടുമുഴുവന്‍ ദുരന്തമുഖത്ത് മെയ്മറന്ന് പൊരുതുമ്പോഴും വിദ്വേഷ പ്രചരണം നടത്തിയ വ്യാജ ഫെയ്‌സ്ബുക്ക് പ്രൊഫൈല്‍ തുറന്നുകാട്ടി മുന്‍ എം.എല്‍.എ വി.ടി ബല്‍റാം.

മഴക്കെടുതിയുടെ വാര്‍ത്തയുടെ സമയത്ത് ചാനല്‍ യൂട്യൂബ് ലൈവിന് താഴെയാണ് മുഹമ്മദ് അല്‍ റസൂല്‍ എന്ന മുസ്ലിം പേരും പച്ച പ്രൊഫൈല്‍ പിക്ച്വറമായി ഫെയ്ക്ക് അക്കൗണ്ട് വഴി ഒരാള്‍ വിദ്വേഷ കമന്റിട്ടത്.

'ആഹാ...പച്ചക്കൊടി പ്രൊഫൈല്‍ പിക്ചര്‍,
മുഹമ്മദ് അല്‍ റസൂല്‍ എന്ന് പേര്,കാത്തോളീന്‍ പോലുള്ള ഭാഷാ പ്രയോഗങ്ങള്‍!
എന്നിട്ടും ഒരു മെനയാവുന്നില്ലല്ലോ സംഘീ.
ഒരു നാട് മുഴുവന്‍ ദുരന്തത്തെ അഭിമുഖീകരിക്കുമ്പോഴും അത് ഇങ്ങനെ വിദ്വേഷ പ്രചരണത്തിനുള്ള സുവര്‍ണ്ണാവസരമാക്കണമെങ്കില്‍ അതാരായായിരിക്കുമെന്നതില്‍ ഇവിടെയാര്‍ക്കും സംശയമില്ല. ഇതുപോലത്തെ ഫെയ്ക്കുകളെ തിരിച്ചറിയാനുള്ള മിനിമം സാക്ഷരതയൊക്കെ കേരളം എന്നേ കൈവരിച്ചിട്ടുണ്ട്,' വി.ടി. ബല്‍റാം ഫേസ്ബുക്കില്‍ എഴുതി.