പാലക്കാട്ട് മാതാപിതാക്കള്‍ക്കൊപ്പം ഉറങ്ങിക്കിടന്ന 3 വയസുകാരിയെ എടുത്തുകൊണ്ടുപോയി പീഡിപ്പിച്ചു; 77 കാരന്‍ പിടിയില്‍

പാലക്കാട്: നടുപ്പുണ്ണിയില്‍ മൂന്ന് വയസുകാരിക്ക് നേരെ ലൈംഗികാതിക്രമം. വഴിയരികില്‍ മാതാപിതാക്കള്‍ക്കൊപ്പം കിടന്നുറങ്ങുകയായിരുന്ന കുഞ്ഞിന് നേരെയായിരുന്നു അതിക്രമം. ബുധനാഴ്ച്ച പുലര്‍ച്ചെ 5.30 നാണ് സംഭവം. കല്ലുകൊത്തുന്ന പണിക്കായി വന്ന കര്‍ണാടക സ്വദേശികളായ ദമ്പതികളുടെ മകളെയാണ് എരുത്തേമ്പതി വില്ലൂന്നി സ്വദേശി കന്തസ്വാമി (77) പീഡിപ്പിച്ചത്. ഇയാളെ പൊലിസ് അറസ്റ്റ് ചെയ്തു.

മാതാപിതാക്കളുടെ അടുത്ത് നിന്നും 50 മീറ്റര്‍ ദൂരത്തേക്ക് കുഞ്ഞിനെ വലിച്ചുകൊണ്ടുപോയതിന് ശേഷമാണ് ഇയാള്‍ ആക്രമിക്കാന്‍ ശ്രമിച്ചത്. കുട്ടിയുടെ കരച്ചില്‍ കേട്ട് ഉണര്‍ന്ന മാതാപിതാക്കള്‍ ഇയാളെ പിടികൂടുകയായിരുന്നു. കുഞ്ഞ് നിലവില്‍ പാലക്കാട് ജില്ലാ ആശുപത്രിയില്‍ ചികിത്സയിലാണ്.