ആലുവ: കേരള ജേര്‍ണലിസ്റ്റ് യൂണിയന്‍ 7ാം സംസ്ഥാന സമ്മേളനം ഇന്ത്യന്‍ ജേര്‍ണലിസ്റ്റ് യൂനിയന്‍ (ഐ.ജെ.യു) ദേശീയ സെക്രട്ടറി എന്‍.സബാനായകന്‍ ഉദ്ഘാടനം ചെയ്തു. യു. വിക്രമന്‍ അധ്യക്ഷത വഹിച്ച യോഗത്തില്‍ എസ്. ശര്‍മ്മ എം.എല്‍.എ മുഖ്യപ്രഭാഷണം നടത്തി. വി.കെ ഇബ്രാഹിംകുഞ്ഞ് എം.എല്‍.എ കെ.ജെ.യു അംഗങ്ങളായ ജനപ്രതിനിധികളെ ആദരിച്ചു.
കെ.ജെ.യു സമ്മേളനപ്പതിപ്പിന്റെ പ്രകാശനം സി.കെ ആശ എം.എല്‍.എ നിര്‍വ്വഹിച്ചു. അംഗങ്ങള്‍ക്കുള്ള തിരിച്ചറിയല്‍ കാര്‍ഡ് വിതരണം പി.ടി തോമസ് എം.എല്‍.എ നിര്‍വഹിച്ചു. അനില്‍ ബിശ്വാസ്, ബാബു തോമസ്, ജോഷി അറയ്ക്കല്‍ എന്നിവര്‍ പ്രസംഗിച്ചു. പ്രതിനിധി സമ്മേളനം ഇന്ത്യന്‍ ജേര്‍ണലിസ്റ്റ് യൂനിയന്‍ സെക്രട്ടറി ജനറല്‍ ജി പ്രഭാകരന്‍ ഉദ്ഘാടനം ചെയ്തു. കെ.സി സ്മിജന്‍, സി.കെ നാസര്‍, സി.വി മിത്രന്‍, ശ്രീമൂലം മോഹന്‍ദാസ്, എം.എ ഷാജി എന്നിവര്‍ സംസാരിച്ചു.