ചെങ്ങന്നൂര്‍: സ്വകാര്യ ബസിന്റെ മുന്നിലേക്ക് ചാടിയ യുവാവിനെ തലയ്ക്ക് ഗുരുതര പരിക്കുകളോടെ വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മുന്‍സിപ്പല്‍ ബസ് സ്റ്റാന്റിന്റെ പുറത്തേക്കുള്ള കവാടത്തിലായിരുന്നു സംഭവം.
ചെങ്ങന്നൂര്‍-ആയിരംതെങ്ങ് റൂട്ടിലോടുന്ന സ്വകാര്യ ബസ് പുറത്തേക്ക് ഇറങ്ങുമ്പോള്‍ യുവാവ് പെട്ടന്ന് ബസിന്റെ മുമ്പിലേക്ക് എടുത്ത് ചാടുകയായിരുന്നുവെന്ന് പറയുന്നു.മുന്‍ചക്രത്തിന് അടിയില്‍പ്പട്ടതിന് തുടര്‍ന്നാണ് തലയ്ക്ക് പരിക്കേറ്റത്.ആദ്യം ചെങ്ങന്നൂര്‍ ഗവര്‍മെന്റ് ആശുപത്രിയില്‍ എത്തിച്ച ഇയാളെ പിന്നിട് ആലപ്പുഴ  മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു.ചെങ്ങന്നൂര്‍ ട്രാഫിക്ക് പോലീസ് കേസെടുത്തു.