യാംബു: കേരളത്തിന്റെ 65 ആം പിറന്നാൾ യാംബു അൽ മനാർ ഇന്റർ നാഷനൽ സ്‌കൂൾ മലയാളം വിഭാഗം വിവിധ പരിപാടികളോടെ ആഘോഷി ച്ചു. ഫൈഹ സലീമിന്റെ പ്രാർഥനാഗീതത്തോടെ ആരംഭിച്ച പരിപാടി സ്‌കൂൾ ഗേൾസ് വിഭാഗം വൈസ് പ്രിൻസിപ്പൽ പി.എം.ഫായിസ ഉദ്‌ഘാടനം ചെയ്തു. ഓൺലൈൻ പരിപാടിയിൽ സ്‌കൂൾ മലയാളവിഭാഗം മേധാവി മുഹമ്മദ് നെച്ചിയിൽ അധ്യക്ഷത വഹിച്ചു. ഗേൾസ് വിഭാഗം ഹെഡ്മിസ്ട്രസ് രഹ്‌ന ഹരീഷ് ആശംസ പ്രസംഗം നടത്തി. അനീസുദ്ദീൻ ചെറുകുളമ്പ് കേരളപ്പിറവിദിന സന്ദേശ പ്രഭാഷണം നടത്തി.

വിദ്യാർഥികൾ അവതരിപ്പിച്ച കേരള നൃത്തങ്ങൾ, കേരളത്തെ കുറിച്ചുള്ള കവിതകൾ, കഥപറയൽ, പ്രസംഗം, പാട്ടുകൾ, കേരളത്തെ കുറിച്ചുള്ള പ്രശ്നോത്തരി തുടങ്ങിയ വൈവിധ്യമാർന്ന പരിപാടികൾ ആഘോഷത്തിന് മിഴിവേകി. രണ്ട് മണിക്കൂറോളം നീണ്ടു നിന്ന ചടങ്ങിൽ വിവിധ കലാ സാംസ്‌കാരിക പരിപാടികൾ നടത്താൻ അമ്പതിലേറെ വിദ്യാർഥികൾ രംഗത്ത് വന്നിരുന്നു. സ്‌കൂൾ മലയാളം അധ്യാപിക നംഷിദ ഷമീർ ചടങ്ങിൽ നന്ദി പറഞ്ഞു. ശ്രീലയ വിനോദ്, ആൻ ജോസ് എന്നിവർ പരിപാടിയുടെ അവതാരകരായിരുന്നു.