കിനാലൂര്‍: പാവങ്ങളെ സഹായിക്കുക എന്നത് ഇസ്‌ലാം മത വിശ്വാസത്തിന്റെ ഭാഗമാണെന്ന് പാണക്കാട് മുനവ്വറലി ശിഹാബ് തങ്ങള്‍ അഭിപ്രായപ്പെട്ടു. എസ്.വൈ.എസ് പനങ്ങാട് പഞ്ചായത്ത് കമ്മിറ്റി നെടിയനാട് അബൂബക്കര്‍ മുസ്‌ലിയാരുടെ കുടുംബത്തിന് നിര്‍മിച്ച വീടിന്റെ താക്കോല്‍ദാന ചടങ്ങില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
എസ്.വൈ.എസ് പോലോത്ത സംഘടനകള്‍ ഇത്തരം കാര്യങ്ങളില്‍ സജീവമായി രംഗത്തിറങ്ങണമെന്നും അദ്ദേഹം കൂട്ടിച്ചേര്‍ത്തു. വി. അബൂബക്കര്‍ മുസ്‌ലിയാര്‍ അധ്യക്ഷനായി. സമസ്ത മുശാവറ അംഗം ഉമര്‍ ഫൈസി മുക്കം, ബഷീര്‍ ബാഖവി കിഴിശ്ശേരി, കെ. അഹമ്മദ് കോയ മാസ്റ്റര്‍, ഷമീര്‍ ബാഖവി, ബഷീര്‍ ലത്തീഫി, അഷ്‌റഫ് ബാഖവി, ഷാനവാസ് കുറുമ്പൊയില്‍, പി.കെ നാസര്‍, സുലൈമാന്‍ ഹാജി, കെ. ഇബ്രാഹീം കുട്ടി ഹാജി, കെ. അഹമ്മദ്കുട്ടി ഹാജി സംസാരിച്ചു. റഫീഖ് മഠത്തില്‍, നൗഷാദ്, അബ്ദുറഹ്മാന്‍ കീഴ്കുന്നത്ത്, ബഷീര്‍ ഏഴുകണ്ടി, ഷംസീര്‍ ആശാരിക്കല്‍, ടി.എം നൗഷാദ്, എ. ഷാഫി, റഷീദ് കുറുമ്പൊയില്‍, നാസര്‍ പരലൂര്‍ നേതൃത്വം നല്‍കി.