കൊച്ചി: ഹെലികോപ്ടര്‍ അപകടത്തില്‍പ്പെട്ട തന്നെ രക്ഷിക്കാനെത്തിയവരെ നേരില്‍ കണ്ട് സ്‌നേഹ സമ്മാനങ്ങള്‍ നല്‍കി ലുലു ഗ്രൂപ്പ് ചെയര്‍മാന്‍ എം.എ യൂസഫലി.ബിജിക്കും രാജേഷിനും നല്‍കിയ സര്‍പ്രൈസ് സമ്മാനത്തെക്കുറിച്ച് മാധ്യമങ്ങളോടൊന്നും യൂസഫലി പറഞ്ഞിരുന്നില്ല.

ബിജിക്ക് പത്തുപവന്‍ സ്വര്‍ണവും രണ്ടര ലക്ഷം രൂപയും വാച്ചുമാണ് യൂസഫലി സമ്മാനിച്ചത്. രാജേഷിന് രണ്ടര ലക്ഷം രൂപയും വാച്ചും നല്‍കി. കുഞ്ഞിനായി കരുതിയിരുന്ന സ്വര്‍ണചെയിനും ചോക്ലേറ്റുകളടങ്ങിയ വലിയ പൊതിയും കൈമാറിയാണ് യൂസഫലി വീട്ടില്‍നിന്ന് മടങ്ങിയത്.

ഹെലികോപ്ടര്‍ ഇടിച്ചിറക്കിയ ഭൂമിയുടെ ഉടമസ്ഥന്‍ പീറ്ററിനും യൂസഫലി സമ്മാനങ്ങള്‍ നല്‍കി. പീറ്ററിനും മകനും സ്‌നേഹസമ്മാനമായി ഓരോ മൊബൈല്‍ ഫോണ്‍ വീതം നല്‍കി. പീറ്ററിന്റെ ഭാര്യക്ക് വാച്ചും ചോക്ലേറ്റ് പൊതിയും നല്‍കി.