തൃപ്രയാര്‍: വലപ്പാട് ഉപജില്ല സ്‌കൂള്‍ ഗെയിംസില്‍ 170 പോയിന്റ് നേടി കഴിമ്പ്രം വി.പി.എം എസ്.എന്‍.ഡി.പി ഹയര്‍ സെക്കന്‍ഡറി സ്‌കൂള്‍ ഓവറോള്‍ ചാംപ്യന്‍മാരായി.
ചെന്ത്രാപ്പിന്നി ഹയര്‍സെക്കന്‍ഡറി സ്‌കൂള്‍ രണ്ടാം സ്ഥാനവും കയ്പമംഗലം ഗവ: ഫിഷറീസ് വൊക്കേഷണല്‍ ഹയര്‍സെക്കന്ററി സ്‌കൂള്‍ മൂന്നാം സ്ഥാനവും നേടി.
വലപ്പാട് സ്‌കൂള്‍ ഗ്രൗണ്ടില്‍ ചേര്‍ന്ന സമാപന യോഗത്തില്‍ പഞ്ചായത്ത് പ്രസിഡന്റ് ഇ.കെ തോമസ് മാസ്റ്റര്‍ ട്രോഫികള്‍ സമ്മാനിച്ചു. എ.ഇ.ഒ കെ.ഡി അനിതകുമാരി അധ്യക്ഷയായി.
സി.കെ ബിജോയ്, എം.ഡി ജോസ്, പി.വി സുദീപ്കുമാര്‍, എ.എ ജാഫര്‍, ടി.വി സുനില്‍കുമാര്‍, പി.സി രവി എന്നിവര്‍ സംസാരിച്ചു.