ന്യൂഡൽഹി
ബ്രിട്ടന് സമാന്തരമായി ഇന്ത്യയിലും കൊവിഡ് മൂന്നാം തരംഗവും ഒമിക്രോൺ വ്യാപനവും രൂക്ഷമാകുമെന്ന് കേന്ദ്ര സർക്കാർ മുന്നറിയിപ്പ്. ഓരോ ദിവസവും 14 ലക്ഷം കൊവിഡ് കേസുകൾ വരെ ഇന്ത്യയിൽ റിപ്പോർട്ട് ചെയ്‌തേക്കാമെന്ന് ആരോഗ്യ മന്ത്രാലയത്തിലെ ഡോ. വി.കെ പോൾ പറഞ്ഞു. ഫ്രാൻസിൽ 65,000 കേസുകൾ റിപ്പോർട്ട് ചെയ്തിട്ടുണ്ട്. ഇന്ത്യയിലും സമാനരീതിയിൽ രോഗം പൊട്ടിപ്പുറപ്പെട്ടാൽ 13- 14 ലക്ഷം കേസുകൾ ദിവസവും റിപ്പോർട്ട് ചെയ്യപ്പെട്ടേക്കാം. ബ്രിട്ടനിൽ 88,042 കൊവിഡ് കേസുകളാണ് ദിവസവും റിപ്പോർട്ട് ചെയ്യുന്നത്. ഇതിൽ 2.4 ശതമാനം പേർക്കും ഒമിക്രോൺ ബാധയാണ്. ഒമിക്രോണിനെ കുറിച്ച് ലോകാരോഗ്യ സംഘടന മുന്നറിയിപ്പ് നൽകിയ സാഹചര്യത്തിലാണ് കൂടുതൽ ജാഗ്രത പാലിക്കാൻ കേന്ദ്ര സർക്കാരും നിർദേശം നൽകിയത്.